اردوغان سوئدی اویاردی

جمهورباشقانی رجب طیب اردوغان، بؤلوجو ترور هؤرگوتو پ‌کاکا یانداشلاری طرفیندین اؤتن هفته سوئد‌ده تشکیل ائتدیلن تخریبات ماهیتلی ائیلم ایله باغلی:

"بو وضعیته ال قویمازلارسا، سوئد ایله موناسیبتلریمیز داها دا گرگینلشه‌بیلر" دئدی.

جمهورباشقانی اردوغان موغلادا کتشکیل ائدیله‌ن گنجلیک توپلانتیسین‌دا دانیشدی.

اردوغان، "اؤتن گونلرده سوئد‌ده خائن تروریستلر حدسیزجه بیر حرکت ائتدیلر. بو آشیری ائیلملر پ‌کاکا/پ‌ی‌دنین اورادا سیخیشماسیندان می قایناقلانیر؟ یوخسا سوئد مقاملاری بو ائیلملره گؤز مۆ یومورلار؟" سوالینا بئله جاواب وئردی:

"سوئد و فنلاند (ژوئن آیین‌دا گئچیریله‌ن ذیروه‌‌ده) ناتویا عضو اولما نؤقطه‌سینده بیزدن بیر ایستکلری اولدو /.../. اما بیز اونلارا بیر شئی دئدیک. بیزه اگر سیزده‌کی تروریستلری تسلیم ائتمه‌سنیز، بیز بونو (ناتویا عضولوگو) مجلیسده قبول ائتمریک. ۱۰۰دن ۱۳۰ دولاییندا (تروریست) لیستلری ده وئریب بو تروریستلری بیزه وئرمه‌لیسینیز. بونلار تأسفلر اولسون کی، بونو ائده‌بیلمه‌دیلر./…/. بونلارین جاده‌لرینده تئز-تئز پ‌کاکانین گؤستریلرینی ایزله‌ییریک و اونلاری دا اویاریریق. آنجاق بوتون بو اویاریلاریا باخمایاراق نه یازیق کی، پ‌کاکانین پ‌ی‌دنین بو گؤستریلرده داوردورولماسی سؤز قونوسو اولمادی /… /. سوئد‌ده‌ مسئوللار بو وضعیته قارشی اگر بیر ال قویماسالار، سوئد ایله موناسیبتلریمیزی چوخ داها گرگینلشدیره‌بیلر".

اردوغان تکجه سوئد و فنلانددا دئییل، آلمانیادا، فرانسادا و اینگیلتره‌ده ترور هؤرگوتلرینین بوی گؤسترمه‌یه داوام ائتدیگینی بیلدیریرک،

تورکیه اولاراق بونلارا (اؤلکه‌لره) قارشی توتوموموزو بونا اویغون معین ائدجییک" دئیه دانیشدی.