اردوغان: جانیلر، سیغینماچی آدی آلتیندا قورونور
"بو گون ناتودا، آوروپا شوراسیندا و یا بیرلشمیش میللتلرده بیرلیکده اولدوغوموز بعضی اؤلکه‌لر، تورک عدالتیندن قاچان قولدورلارین سیغیناغینا چئوریلمیشدیر"
جمهورباشقانی رجب تایییب اردوغان،
"(سوریه‌ده) تروردان تمیزله‌یرک امنیتلی حالا گتیردیگیمیز بؤلگه‌لره ایندیه دک اؤلکه‌میزدن ۵۵۰ مینه یاخین سیغینماچی اؤلکه‌سینه قاییتمیشدیر" دئدی.
اردوغان باشکند آنکاراداکی جمهورباشقانلیغی ساراییندا کئچیریله‌ن اولوسلارآراسی آمبودزمانلیق کنفرانسینانا قاتیلدی.
رجب طیب اردوغان، سوریه‌لی سیغینماچیلارین گئری قاییتماسی ایله باغلی،
"ایندیه دک ۵۵۰ مین سیغینماچی سوریه‌یه گئری قاییتمیشدیر. روسیا، سوریه و تورکیه اولاراق بیر سۆره‌دیر یئریتدیگیمیز دیپلوماتیک تماسلاریمیز میوه‌سینی وئردیکجه بو ساییلار داها دا آرتاجاق" ایفاده‌سینی ایشلتدی.
اردوغان،
"یاشام حاقینا قصد ائدن الی قانلی جانیلر، سیغینماچی آدی آلتیندا قورونور. بو گون ناتودا، آوروپا شوراسیندا و یا بیرلشمیش میللتلرده بیرلیکده اولدوغوموز بعضی اؤلکه‌لر، تورک عدالتیندن قاچان قولدورلارین سیغیناغینا چئوریلمیشدیر. تورکیه‌نین ترورلا موباریزه‌سینده چئر باخانلار گئرچگی گؤرجک" دئدی.
جمهورباشقانی، تاخیلین قارا دنیز واسطه‌سیله داشینماسی قونوسوندا:
"قارا دنیز اوزرین‌دن تاخیل دهلیزی و اسیر موبادیله‌سی آنلاشماسینی حیاتا گئچیررک، ارزاق و انرژی بحرانینین حلینه قاتقی وئریریک. پوتینین، ‘بیز تاخیلی گؤندریریک. سیزلر ده بونو داشیییرسینیز. اما وضعیتی یاخشی اولان آوروپا اؤلکه‌لری دئیل آز گلیشمیش آفریقا اؤلکه‌لرینه گؤندره‌ک’ تکلیفینی من قبول ائتدیم. بیز بونا واریق دئدیک" دئدی.
سون واختلار افغانیستان‌داکی باش اؤرتولو قیزلارین اوخوللاردا اوخوتدولماسینی انگلله‌مه آنلاییشینی غیر اینسانی و غیر ایسلامی حساب ائتدیکلرینی ایفاده ائدن اردوغان:
"بو قیزلار اوخوللاردا اوخودولمالیدیر. ایسلام بئله بیر شئیی قبول ائتمیر. عکسینه، بئشیک‌دن مزارا قدر علم آلماغی ایسته‌ییر" دئیه دانیشدی.
