آکار: یونانیستانلا جدی پروبلئملریمیز وار

میللی ساوونما باخانی حولوصی آکار یونانیستانلا جدی پروبلئملرین اولدوغونو بیلدیررک،

"بونلاری دیالوگ یولو ایله حل ائتمک اوچون عزمله چالیشیریق. گیریشیملریمیزین هئچ بیرینه یونانیستان‌دان مثبت جاواب آلابیلمه‌دیک" دئدی.

حولوصی آکار وئردیگی آچیقلامادا،

"یونانیستانلا جدی پروبلئملریمیز وار. بیز حقیقتاً ده بونلاری دیالوگ یولو ایله حل ائتمک اوچون عزمله چالیشیریق. گیریشیملریمیزین هئچ بیرینه یونانیستان‌دان مثبت جاواب آلابیلمه‌دیک. ائله دونن اژه‌ده بالیقچیلاریمیزا ساتاشدیلار. گئجه گوندوز تحریک ائدن یونانیستان. اونلار هر شئیی ائدیر، بونو ایچ سیاسی سببلرله ائدیرلر. بیزه ائدیله‌ن هئچ بیر ساتاشمانی جاوابسیز قویمایاجاغیق. بیزه بوتون ائتدیکلرینیزه باخمایاراق، پروبلئملری دیالوگ یولو ایله حل ائدک دئییریک. دئییریک کی، گووندیگینیز داغلارا قار یاغمادان عاغلینیزی باشینیزا آلین، آیاقلارینیزی یئره باسین. اونلاری اویاردیق، اویارماغا داوام ائدیریک. تحریک ائدیجی توتومونوزدان واز گئچین. سورونلاری باریشچیل یوللا حل ائتمک ایسته‌ییریک. گلین دانیشاق دئییریک. بو قونودا تأسف کی، قارشی طرف‌ده سیخینتی گؤروروک. تاریخ‌ده بونو ائتدینیز، نتیجه‌لری معلوم‌دور" دئیه دانیشدی.