دیاربکیر شهرینده پارتلاییش اولوب
دیاربکیر شهرینده پارتلاییش اولوب، 8 پولیس امکداشی یارالانیب.
تورکیه-نین دیاربکیر شهرینده ضد شورش پولیسلری داشییان سرویس ماشینی کئچرکن باش وئرن پارتلاییشدا 8 پولیس امکداشی یارالانیب.
دیاربکیر-ماردین یولوندا ضد شورش پولیسلری داشییان اتومبیلین کئچدیگی یئرده بومبا پارتلادیلیب.
حادثه یئرینه علاوه تهلوکهسیزلیک قوهلری جلب ائدیلیب.
پارتلاییش نتیجهسینده یارالانان 8 پولیس خستهخانایا آپاریلیب.
ایچ ایشلر ناظیری سلیمان سویلو بیلدیریب کی، پارتلاییشا گؤره ایکی نفر شوبههلی قیسمینده ساخلانیلیب.
یارالی پولیسلرین اوچون حیاتی تهلوکهنین اولمادیغی بیلدیریلیب.
جمهور باشقانلیغی ایله تیشیم رهبری فخرالدین آلتون دیاربکیرده ضد شورش پولیسلری داشییان سرویس ماشینینین کئچیدی زامانی هوجوم ائدن ترورچولارا لازیمی جاوابین وئریلهجگینی بیلدیریب.
فخر الدین آلتون سوسیال مئدیا حسابیندا ائتدیگی پایلاشیمدا دئییب:
"دیاربکیرده تؤرهدیلن ترور آکتیندا یارالانان پولیس امکداشلاریمیزا ان خوش آرزولاریمی چاتدیریر، اللهدان شفا دیلییرم. هوجومو تشکیل ائدن ترورچولارا بونون جاوابی وئریلهجک. ترورلا موباریزهمیزی بوتون ساحهلرده داوام ائتدیرجییک".
عدالت و اینکیشاف پارتیاسینین (آک پارتیا) صدر معاوینی و پارتیا سؤزچوسو عمر چلیک ده سوسیال مئدیا حسابیندا ائتدیگی پایلاشیمدا دئییب:
"دیارباکیر پولیسیمیزه ائدیلن هوجومو قیناییریق. پولیسلریمزه اللهدان شفا دیلییریک. دیاربکیر باریش و امین-آمانلیق شهریدیر. بو هوجومو ائدنلر و آرخاسیندا اولانلار لاییق اولان جاوابی آلاجاقلار".
دیگر طرفدن، هوجوملا باغلی آپاریلان سوروشدورما چرچیوهسینده ساخلانیلانلارین سایی 5-ا یوکسلیب.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.