دونیانین هر یئریندن باش‌ساغلیغی مئساژلاری گلیر
آغ ائو، ایستانبول‌دا باش وئره‌ن "شدت ائیلمی"نی قینایاراق، آمریکانین ترورلا موباریزه‌ده ناتو متفیقی تۆرکیه‌نین یانیندا اولدوغونو بیلدیردی
ایستانبولون ایستیقلال جاده‌سینده دونن باش وئره‌ن بومبالی سالدیریدا حیاتینی ایتیره‌نلر اوچون دونیانین دررد بیر یانیندان بیر چوخ اؤلکه باش‌ساغلیغی مئساژی یاییملادی.
آوروپا بیرلیگی شوراسی باشقانی چارلز میشل، سوسیال مئدیا حسابیندان وئردیگی آچیقلامادا، ایستانبول‌دان دهشت وئریجی خبرلر آلدیقلارینی بیلدیردی.
استیقلال جاده‌سینده‌کی پاتلامادا حیاتینی ایتیره‌نلر اوچون باش‌ساغلیغی وئره‌ن میشل، کدر وئریجی بو زاماندا تۆرک خالقینین یانیندا اولدوقلارینی ایفاده ائتدی.
ناتو باش کاتیبی ینس استولتنبرگ ده ایستانبول‌دان شوک ائدیجی گؤرونتولرین گلدیگینی بیلدیررک، تۆرک خالقینا و پاتلاما‌دان ائتکیله‌نن‌لره باش‌ساغلیغی وئردیگینی بیلدیردی.
استولتنبرگ،
"ناتو، متفیقیمیز تۆرکیه ایله دایانیشما ایچینده‌دیر" ایفاده‌سینی ایشلتدی.
آوروپابیرلیگی کمیسیونونون گئنیشله‌مه‌دن مسئول کمیسری اولیور وارهلی ده استیقلال جاده‌سینده باش وئره‌ن پاتلاما‌دان سونرا چتین زامانلاردا تۆرک خالقینین یانیندا اولدوقلارینی قید ائتدی.
آمریکادا آغ ائو مطبوعات سؤزچوسو کرین ژان-پیر، وئردیگی یازیلی آچیقلامادا، ایستانبول‌دا باش وئره‌ن "شدت ائیلمی"نی قینایاراق، آمریکانین ترورلا موباریزه‌ده ناتو متفیقی تۆرکیه‌نین یانیندا اولدوغونو بیلدیردی.
اؤته یاندان، آذربایجان، قوزئی قیبریس تۆرک جمهوریتی، روسیا، اوکراینا، ایردن، سعودی عربیستان، مصر، هلند، اینگیلتره، آلمانیا، ایتالیا، اتریش، چکیا، لهستان، ماجاریستان، رومانی، سوئد، سوئیس، لیتوانی، لتونی، بلاروس، فرانسا، یونانیستان، اسرائیل، الجزایر، کویت، قطتر، فلیسطین، لیبی، بیرلشمیش عرب امیرلیکلری، لبنان، عراق، بوسنی و هرزگوین، صربیستان، قاراداغ، کرواسی، اسلوونی، آلبانی، قوزئی مقدونیه، کوزووو، گورجوستان، هیندیستان، پاکیستان ، آفریقا اؤلکه‌لری، ایران و آرژانتینین ده آرالاریندا اولدوغو دونیانین هر یئریندن بیر چوخ اؤلکه سالدیریلا باغلی باش‌ساغلیغی مئساژی یاییملادی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
