اردوغان: اینسانلیغا خیدمت اوچون چابالاریمیزی سۆردورهجییک
"روسیا اؤز آچیسیندان قرار آلسا دا بیز الیمیزدن گلهنی ائتمهیه داوام ائدجییک "
جمهورباشقانی رجب طیب اردوغان، روسیانین تاخیل آنلاشماینی دوردورماسی ایله باغلی،
"روسیا اؤز آچیسیندان قرار آلسا دا بیز الیمیزدن گلهنی ائتمهیه داوام ائدجییک و اینسانلیغا خیدمت ائتمک اوچون چابالاریمیزی عزمله سۆردورهجییک" دئدی.
جمهورباشقانی اردوغان، ایستانبولدا ۸.جی تۆرک طب دونیاسی قورولتایی و طب تاریخینه/اورتاق گئچمیشه وفا اؤدول تؤرهنینده دانیشدی.
روسیانین تاخیل آنلاشماسینی دوردورماسینی دگرلهندیرهن اردوغان:
"روسیا اؤز آچیسیندان قرار آلسا دا بیز الیمیزدن گلهنی ائتمهیه داوام ائدجییک و اینسانلیغا خیدمت ائتمک اوچون چابالاریمیزی عزمله سۆردورهجییک" دئدی.
دونیانین گلیشمیش دئیه تعریف ائدیلن اؤلکهلرینین ساغلیقدا آنجاق بللی بیر سویهنین اۆستونده اینسانلارا خیدمت ائتدیگینی وورغولایان اردوغان:
"گلیشمیش اؤلکهلرده، خستهخانانین قاپیسینا بئله یاخینلاشدیریلمادان یئنی نسیل کوروناویروس (کووید-۱۹) سالقینی ایله موباریزه ائدن اینسانلارین حکایهسینین شاهیدی اولدوق. کۆرهسل سالقینلا امتحانیمیزی هم ایچریده خیدمتله هم ده دیشارییا وئردیگیمیز دستکله آلنیمیزین آغی ایله وئردیک. هئچ بیر آیریم ائتمهدن الیمیزدهکی بۆتون ایمکانلاری اینسانلیق اوچون سفربر ائتدیک" شکلینده دانیشدی.
ساغلیق ساحهسینه تورکیهنین گؤستردیگی دانیلماز باشارینین اینسانلیغا خدمت یولوندا اؤلکهیه یئنی ایمکانلار سوندوغونو ایفاده ائدن جمهورباشقانی:
"بؤیوک سرمایهلر و یئنیلیکچی امکداشلیقلارلا تیکدیگیمیز شهر خستهخانالاری ساغلیقداکی باشاریمیزدا بؤیوک پایی وار. هر ۱۰۰ درماندان ۸۹و یئرلیدیر. تۆرکوواک آشیمیزلا ۹ اؤلکه آراسینا گیردیک. سرطان خستهلیکلرینده و معالیجهسی ایله باغلی اؤنملی آراشدیرمالار آپاریریق. یئرلی و میللی تۆرکیه یوزایلی ویزیونو چرچیوهسینده آماجیمیز اؤلکهمیزی ساغلیق ساحهسینده ذیروهلره چیخارتماقدیر" دئدی.
پروگرامدا باشاریلی بیلیمسل آراشدیرمالار آپاران بیلیم اینسانلارینا اؤدول وئریلدی.