حولوصی آکار: "بنی گانتز جمعه آخشامی تورکیه-یه رسمی سفره گلهجک"
بونو میللی ساوونما ناظیری حولوصی آکار پایتاخت آنکارادا ژورنالیستلره وئردیگی آچیقلامادا دئییب.
ایسراییل-ین ساوونما ناظیری بنی گانتز جمعه آخشامی (27 اوکتبر) تورکیه-یه رسمی سفره گلهجک.
بونو میللی ساوونما ناظیری حولوصی آکار پایتاخت آنکارادا ژورنالیستلره وئردیگی آچیقلامادا دئییب.
حولوصی آکار ایللر سونرا ایلک دفعه بو سویهده رئاللاشاجاق سفر زامانی ایکی اؤلکه آراسینداکی عمومی وضعیتی دیرلندیرهجکلرینی بیلدیریب.
حولوصی آکار "سیاستیمیز، فیکیرلریمیز بللیدیر. تورکیه جمهوریتی حکومتی چوخ شفاف سیاست حیاتا کئچیریر، بیز بونلاری ایضاح ائدجییک. حادثهلرین گئدیشاتینا اویغون اولاراق سونراکی مرحلهلرین نه گتیرجگینی گؤرجییک" دئییب.
تورکیه-نین قلوبال ارزاق بحرانینی حل ائتمک اوچون آددیم آتدیغی و اونون فورمالاشماسیندا بؤیوک رول اوینادیغی قارا دنیزده تاخیل دهلیزی ایله باغلی موقاویلهنین قوهده اولما مدتینین نوامبرین 19-دا باشا چاتاجاغینی خاطیرلادان آکار دئییب:
"دوستلاریمیز و طرفلریمیز ایستانبولدا فعالیت گؤسترن بیرگه کووردیناسیون مرکزینده یوغون ایشلییرلر. تاخیل داشینماسی اوچون هفتهنین 7 گونو 24 ساعات ایشلییریک. مقصدیمیز اولدن بللیدیر؛ ارزاق بحرانینین قارشیسی آلینسین، آجلیغین قارشیسی آلینسین و سیاسی ثابتلیک پوزولماسین. بیز بونون اوچون چالیشیریق. بیز بو موقاویلهنین داوام ائتدیریلمهسینین و ایجراسینین داوام ائتدیریلمهسینین طرفداریییق. حتی روسیا لیمانلارینداکی تاخین داشینماسی مؤوضوع سوندا دا نه لر ائده بیلهجگینین آراشدیریلماسی اوچون جهد گؤستریریک".
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی