اردوغان:"مالیه سئکتورو قلوبال اقتصادی بحراندان ان چوخ تأثیرلنن ساحه‌لردن بیری‌دیر"
جمهور باشقانی رجب طیب اردوغان ایستانبول-داکی دولماباخچا اوفی‌سینده کئچیریلن قاتیلیم مالیه ایستراتژیسی سندی‌‌نین تقدیمات ایجلاسیندا چیخیش ائدیب.
"قلوبال حادثه‌لرین تأثیری ایله بیر مدت‌دیر حیس اولونان تورم پروبلئمی‌نین عهده سیندن گله‌جییک".
بونو جمهور باشقانی رجب طیب اردوغان ایستانبول-داکی دولماباخچا اوفی‌سینده کئچیریلن قاتیلیم مالیه ایستراتژیسی سندی‌‌نین تقدیمات ایجلاسیندا ائتدیگی چیخیشدا دئییب.
اردوغان بیلدیریب کی، یئنی نوع کوروناویروس اپیدمیسی ایله درینلشن قلوبال اقتصادی بحران و فوریه‌نین 24-ده باشلایان روسیا-اوکراینا محاربه‌سی‌نین سبب اولدوغو انرژی و مال قیمت‌لرینده‌کی آرتیم، باشدا اینکیشاف ائتمیش اؤلکه‌لر اولماقلا بوتون اقتصادیات لارا دریندن تأثیر ائدیب.
جمهور باشقانی اردوغان قلوبال بحران‌لارین سنگیمه‌دیگی سون ایللرده تورکیه-نین اوزون مدت‌دیر یاشادیغی سیاسی و اقتصادی بحران‌لاردان الده ائتدیگی تجروبه ایله دیگر اؤلکه‌لردن فرقلنمیی باجاردیغینی آچیقلاییب.
"قلوبال پروسه لرین تأثیری ایله بیر مدت‌دیر حیس ائتدیگیمیز تورم پروبلئمینی حل ائده‌رک تورکیه عصرینی بیرلیکده قوراجاغیق"، دئیه دؤولت باشچی‌سی دئییب.
مالیه سئکتورونون قلوبال اقتصادی بحراندان ان چوخ تأثیرلنن ساحه‌لردن بیری اولدوغونو قئید ائدن جمهور باشقانی اردوغان اقتصادی آرتیمین لوکوموتیوی اولماسی لازیم گلن مالیه سیستمی‌نین اوزرینه دوشن وظیفه‌نی یئرینه یئتیره بیلمه‌دیگینی بیلدیریب.
تملینده اینسانین اولمادیغی اقتصادی قورولوشون دایانیق‌لی اولمادیغینی ایفاده ائدن جمهور باشقانی اردوغان دئییب:
"قلوبال مالیه معمارینین اینسان‌لارا و اخلاقا اساسلاندیغی یئنی بیر مدل حاضیرلاماق واجیب‌دیر. بیز یئنی مالیه معماری فعالیت‌لرینه هر جور دستکی وئرمه‌یه داوام ائده جییک."
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
