اردوغان: بیز دونیانین بیر پارچاسیییق، نه دوغونون نه ده باتینین
جمهورباشقانی اردوغان بیرلشمیش میللتلر تشکیلاتینین ۷۷.جی باش قورولو اوچون گئتدیگی نیویورکدا آمریکانین پیبیاس کانالینین قوناغی اولاراق خاریجی سیاست و دونیا گوندمی ایله باغلی دگرلندیرمهلر وئردی
جمهورباشقانی رجب طیب اردوغان،
"بیز دونیانین پارچاسیییق، نه دوغونون نه ده باتینین" دئدی.
جمهورباشقانی اردوغان بیرلشمیش میللتلر تشکیلاتینین ۷۷.جی باش قورولو اوچون گئتدیگی نیویورکدا آمریکانین پیبیاس کانالینین قوناغی اولاراق خاریجی سیاست و دونیا گوندمی ایله باغلی دگرلندیرمهلر وئردی.
"شانگهای امکداشلیق تشکیلاتینا قاتیلماق نیتینیز وار. بو تشکیلاتدا روییا، چین و ایران وار. بو، ناتودان چوخ فرقلی دگرلره و آماجلارا صاحیب بیر تشکیلاتدیر. سیز اؤلکهنیزین دوغونون مو پارچاسی اولماسینی ایستهییرسینیز، باتینین می؟" سوالینا جاواب اولاراق اردوغان بئله دئدی:
"بیز دونیانین بیر پارچاسیییق، نه دوغونون نه ده باتینین... بیزیم اوچون اؤلکهمیزین جغرافی باخیمدان بؤیوک بیر بؤلومو دوغویا عایددیر. باتییا عاید اولان بؤلومو آیریدیر. اما آوروپا بیرلیگی بیزی ۵۲ ایلدیر اویالامیشدیر. اویسا کی ناتو اؤلکهسیییک. ناتو اؤلکهسی اولدوغوموز حالدا، ناتو اؤلکهلری بئله آوروپا بیرلیگی پروسهسینده بیزی اویالاماقدادیر... ایستر ایستمز فرقلی آختاریشلار ایچینده ده اولابیلریک .آوروپا بیرلیگی بیزی ۵۲ ایل توتاجاق، بیزی یانینا یاخینلاشدیرمایاجاق و اوندان سونرا دا 'نیه اورایلا گؤروشدو، نیه بورایلا گؤروشدو؟' دئیهجک. گؤروشهرم. بو گؤروشمهلری ائدرکن ده بیز آوروپا بیرلیگینه حساب وئرهجک دئییلیک. بیز بوتون دونیا اؤلکهلری ایله گؤروشوروک. من سایین شی ایله ده سایین پوتین ایله ده سایین مودی ایله ده گؤروشهرم. بوتون اؤلکهلرله گ گؤروشهرم. چونکو هامیمیز بو دونیانین بیر پارچاسیییق. آوروپابیرلیگی اؤلکهلری ایله گؤروشدوگوموز زامان بیزه ’نیه اونلارلا گؤرشدونوز’ دئیه بیر سوال وئریلمهدی".
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی