اردوغان، بیرلشمیش میللتلر باش قورولوندا دانیشدی
جمهورباشقانی، دونیا لیدئرلرینه "اورتاق قدریمیزه تأثیر ائدن سینامالارا قارشی اورتاق گوندمله حرکته گئچمهمیز لازیم اولان بیر دؤوردهییک" دئیه سسلهندی
جمهورباشقانی رجب طیب اردوغان، دونیا لیدئرلرینه "اورتاق قدریمیزه تأثیر ائدن سینامالارا قارشی اورتاق گوندمله حرکته گئچمهمیز لازیم اولان بیر دؤوردهییک" دئیه سسلهندی.
جمهورباشقانی اردوغان، نیویورکداکی بیرلشمیش میللتلر باش قورول سالونوندا، ۷۷.جی باش قورول گؤروشمهلرینده قاتیلیمچیلارا خیطاب ائتدی.
لیدئرلره "اورتاق طالعیمیزه تأثیر ائدن سینامالارا قارشی اورتاق گوندمله حرکته گئچمهمیز لازیم اولان بیر دؤنمدهییک" دئیه سسلنهن اردوغان، داها عدالتلی بیر دونیا اوچون بیرلشمیش میللتلرین یئنیدن قورولماسینین شرط اولدوغونو وورغولایاراق،
"دونیا ۵دن بؤیوکدور و داها عدالتلی بیر دونیا مومکوندور گئرچگینی وورغولاماغا داوام ائدجییک" دئیه دانیشدی.
تورکیهنین ترور هؤرگوتلرینه قارشی لازیم اولانی ائتمکدن اصلا وازگئچمهیهجگینی وورغولایان اردوغان،
"تروریزمه قارشی هر جور تدبیری آلماغا موقتدیر اولدوغوموزو تکرار ایفاده ائدیرهم" ایفادهلرینی ایشلتدی.
عراقداکی شرایطی استثمار ائدن ترور هؤرگوتلرینین تورکیهنی هدف آلان حرکتلرینه ایجازه وئرمهدیکلرینی وورغولایان جمهورباشقانی،
"تورکیهنین متفیقلریندن ترورلا موباریزهده دایانیشما گؤزلهمهسی ان طبیعی حاقیدیر" دئیه دانیشدی.
یونانیستانین کؤچمنلره ظلملرینین آرتدیغینی ایفاده ائدن جمهورباشقانی اردوغان، بو اؤلکهنین، حقوقسوز گئری قایتارمالاری اژه دنیزینی کؤچمن قبیریستانلیغینا چئویردیگینی سؤیلهدی. جمهورباشقانی، باش قورولا شکیللر گؤسترهرک،
"گئچهن هفته ۹ آیلیق عاصم کؤرپه، ۴ یاشینداکی عبدالوهام و عائلهسی، یونان ساحل گوونلیک گوجلرینین قاییقلارینی باتیرماسی نتیجهسینده حیاتینی ایتیرمیشدیر" دئدی.
آتن رهبرلیگینی گرگینلیک و تحریک سیاستینی بیر قیراغا بوراخاراق تورکیهنین امکداشلیق چاغریشلارینا قولاق آسماغا دعوت ائدن اردوغان، قوزئی قیبریس تورک جمهوریتینین رسمی اولاراق تانینماسی گرهگینه ده ایشاره ائتدی.
اورتا دوغودا ایسه ایکی دؤولتلی حلی دستکلهدیکلرینی تکرارلایان اردوغان،
قدسدا ایشغال آلتینداکی یئرلرده یاسادیشی یئرلشیملرین دوردورولماسی، فیلیسطینلیلرین جان و مال گوونلیگینین تامین ائدیلمهسی، باشکندی دوغو قدس اولان موستقیل فیلیسطینین قورولماسی لازیم اولدوغونو بیلدیردی.
جمهورباشقانی، آذربایجان ایله ارمنیستان آراسینداکی پروسهنی دستکلهدیکلرینی ده دیله گتیررک،
"آذربایجانین ایشغال آلتینداکی تورپاقلارینین قورتاریلماسییلا قالیجی باریش اوچون تاریخی بیر پنجره آچیلمیشدیر" دئیه دانیشدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی