تورکیه: تورکیه-‌نین 1974-جو ایلده قیبریسا موداخیله‌سی قانونی و حاق‌لی‌دیر

تورکیه 1974-جو ایلده قیبریسا موداخیله‌سی‌نین "قانونی و حاقلی" اولدوغونو بیان ائتدی.

تورکیه خاریجی ایشلر ناظیرلیگی یونانیستانین خاریجی ایشلر ناظیری نیکوس دندیاسین قیبریس باریش حرکاتی‌نین ایکینجی مرحله‌سی‌نین 48-جی ایلدؤنومو (14 آوقوست) ایله باغلی توییتر صحیفه‌سینده "تورکیه-‌نین قیبریسا موداخیله‌سی ایله باغلی حقیقت‌لر" باش‌لیغی ایله ائتدیگی پای‌لاشیم‌لارا جاواب وئریب.

ناظیرلیگین پای‌لاشیمیندا تورکیه-‌نین موداخیله‌سی‌نین لندون و زوریخ راضزیلاشما‌لارینا اساسلاندیغی وورغولانیب و بونون "قانونی و حاقلی" اولدوغو وورغولانیب.

پای‌لاشیمدا قیبریس-دا باریش و ثابیتلیگین تامین ائدیلدیگی، عملیات سایه‌سینده روم‌لارین حیاتی‌نین خلاص ائدیلدیگی بیل‌دیریله‌رک، قیبریس‌لی روم‌لارین 1960-جی ایل آنایاساسینی پوزا‌راق 1963-جو ایلده آدا‌داکی اورتاق‌لیغی محو ائتدیگی قئید ائدیلیب.

1974-جو ایلین جولای آییندا قیبریس-دا یونان چئوریلیشیندن سونرا تورکیه-‌نین "قیبریس تورک‌لرینه قارشی زوراکی‌لیق و قان تؤکولمه‌سینی دایاندیرماق اوچون موداخیله ائتمک مجبوریتینده قالدیغی" وورغولانیب.

موداخیله ایله قیبریس‌-داکی یونانیستان حربی جونتاسی‌نین آخیرینا چیخدیغی، یونانیستان و قیبریس‌لی روم‌لارین "آدادا دایمی حل اوچون لازیملی ایراده‌سینی اصلا نوماییش ائتدیرمه‌دیک‌لری، قیبریس-‌لی روم‌لارین 2004-جو ایلده عنان پلانینی رد ائتدیک‌لری و 2017-جی ایلده ده Crans-Montana-دا ماسا‌دان قالخدیق‌لاری خاطیرلادیلیب.

پای‌لاشیمدا "آدادا حقانیتی،عادیل و تطبیق ائدیله بیلن بیر حل اوچون قیبریس تورک‌لری‌نین طبیعی حقوق‌لاری، آگمن برابرلیگی و برابر ایستاتوسو بیر داها تصدیقلنمه‌لی‌دیر". دئییلیب.

خاطیرلاداق کی، یونانیستانین خاریجی ایشلر ناظیری نیکوس دندیاس بازار گونو شخصی توییتر حسابیندا ائتدیگی پای‌لاشیم‌لاردا تورکیه-‌نین موداخیله‌سینی "قانون‌سوز ایشغال" کیمی قیمتلندیریب.