چاووش اوغلو: "تورکیه برندینی گوجلندیرمهیه داوام ائدجییک"
خاریجی ایشلر ناظیری مولود چاووش اوغلو 13-جو سفیرلر کنفرانسیندا چیخیش ائدیب.
"تورکیه" برندینی گوجلندیرمهیه داوام ائدجییک".
بونو خاریجی ایشلر ناظیری مولود چاووش اوغلو 13-جو سفیرلر کنفرانسیندا ائتدیگی چیخیشیندا دئییب.
ایلهتیشیم باخیمیندان چوخ کریتیک بیر دؤورده اولدوقلارینی قئید ائدن چاووش اوغلو دئزینفورماسیون و بیلگی چیرکلنمهسینین حیاتین بیر گئرچگی اولدوغونو، بونلارین داها چوخ اساس مطبوعاتی دا اله کئچیردیکلرینی و تورکیه-نین تئز-تئز منفی کامپانیالارا معروض قالدیغینی وورغولاییب.
ترورلا موباریزهدن 1915-جی ایل حادثهلرینه، قاراباغ محاربهسیندن روسیا-اوکراینا ساواشینا قدر تورکیه-نین قارایاخما کامپانیالارینین هدفی اولدوغونو قئید ائدن چاووش اوغلو "بو معنادا ایلهتیشیم، بلکه ده دیپلماسینین ان مهم اؤلچوسودور. بو سببدن، ایلهتیشیم ایدارهسی طرفیندن حیاتا کئچیریلن ایستراتژی چرچیوهسینده ناظیرلیگیمیز و دیگر پایداشلاریمیزین اورتایا قویدوغو ایلهتیشیم سعیلری چوخ واجیبدیر" دئییب.
مولود چاووش اوغلو تورکیه رادیو و تلویزیون قورومونون (TRT) و آنادولو آژانسینین (AA) ایلهتیشیم ایدارهسی ایله سیخ امکداشلیق ائتدیکلرینه دقت چکهرک، خصوصیله آنتالیا دیپلماسی فوروموندا (ADF) اورنک امکداشلیق ائتدیکلرینی بیلدیریب.
"تورکیه" مارکاسینی گوجلندیرمک اوچون بیرگه چالیشدیقلارینی وورغولایان خاریجی ایشلر ناظیری دئییب:
"جناب جمهور باشقانیمیزین رهبرلیگی ایله اؤلکهمیزین آدینین خاریجی دیللرده "تورکیه" کیمی ایشلدیلمهسی تشببوسو مهم آددیم اولوب. بو مسئله ایله باغلی بوتون خاریجی نومایندهلیکلریمیزله بیرلیکده سعی ایله ایشلمهیه داوام ائدجییک".
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی