۱۵ جولای تورکیهده دموکراسی و میللی بیرلیک گونودور
تورکیهده دموکراسی ظفرینین سمبوللاشمیش گونونه چئوریلن ۱۵ جولای دموکراسی و میللی بیرلیک گونو اؤلکهده رسمی تعطیلدیر
۱۵ جولای تورکیهده دموکراسی و میللی بیرلیک گونودور.
۱۵ جولای ۲۰۱۶.جی ایل تاریخیده تورکیه خائنجه بیر چئوریلیش یریشیمی ایله قارشی-قارشییا قالدی. فئتو ترور هؤرگوتو تورکیه سلاحلی گوجلرینه سیزدیردیغی شخصلری قوللاناراق دؤولته و دؤولتین تمثیل اولوندوغو درلره قارشی خائنجه بیر سالدیرییا گیریشدی. جمهورباشقانلیغی و تورکیه بؤیوک میللت مجلیسی بینالاری بومبالاندی. ایچریسینده تورکیه رادیو تلویزیون قورومو–ترت ده اولماقلا بیر چوخ قوروم تروریستلر طرفیندن اله گئچیریلمهیه چالیشیلدی.
تورکیه، گؤیلرده ساواش اوچاقلاری، یوللاردا تانکلارلا تهدید ائدیلدی. آنجاق خالق بو وضعیته لاقید قالمادی. مینلرجه وطنداش اؤلکه باشقانینین دا چاغریشییلا چئوریلیش گیریشیمینه قارشی چیخماق اوچون شهر میدانلارینا، کوچهلره تؤکولدو، اورتایا جانینی قویاراق تانکلارین قاباغینا گئچدی، هلیکوپترلردن ائدیلن آتیشلارا قارشی دوردو، بیرلیکده نادیر راستلانان بیر مقاومت گؤسترهرک وطنینه، دؤولتینه، دموکراسییه صاحب چیخدی.
بئلهلیکله، ۲۰۱۶-جی ایلین ۱۵ جولای گونو حاکمیتی زورلا اله گئچیرمهیه چالیشان تروریست قروپون حربی چئوریلیش جهدینین، اؤلکه جمهورباشقانی رجب طیب اردوغانین باشقانلیغی آلتیندا تورکیه خالقی طرفیندن قارشیسی آلیندی.
تورکیهده دموکراسی ظفرینین سمبوللاشمیش گونونه چئوریلن ۱۵ جولای دموکراسی و میللی بیرلیک گونو اؤلکهده رسمی تعطیلدیر.
بوگون بو شرفلی دیرنیش ۶.جی ایلدؤنومونده بیر کز داها قوتلانیر.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی