اردوغان و دراگی‌دن اورتاق مطبوعات توپلانتیسی
"سالقینا باخمایاراق تیجارت حجمیمیز گئچه‌ن ایل یوزده ۳۴ آرتاراق رکورد سویه‌یه چاتدی"
جمهورباشقانی رجب طیب اردوغان، تورکیه‌یه سفر ائدن ایتالیانین باشباخانی ماریو دراگینی رسمی مراسیمله قارشیلادی.
مراسیم‌دن سونرا جمهورباشقانی رجب طیب اردوغان ایله ایتالیانین باشباخانی ماریو دراگی باش باشا گؤروشوب، ۳.جو تورکیه-ایتالیا حؤکومتلرآراسی ذیروه توپلانتیسینا باشقانلیق ائتدی.
ذیروه توپلانتیسیندان سونرا رجب طب اردوغان و ماریو دراگی اورتاق باسین توپلانتیسی تشکیل ائتدی. مطبوعات توپلانتیسیندا دانیشان اردوغان، ایتالیا باشباخانی ماریو دراگینین رهبرلیک ائتدیگی هیئتی آغیرلادیغی اوچون ممنون اولدوغونو ایفاد ائتدی.
رجب طیب اردوغان، بازار گونو ایتالیانین قوزئی دوغوسونداکی آلپ داغلارین‌دا بوز کوتله‌سینین چؤکمه‌سی نتیجه‌سین‌ده اؤلنلرله باغلی ایتالیا باشباخانینا باش‌ساغلیغی وئردی و یارالانلارا ساغلیق دیله‌دی.
اردوغان،
"ایلیشکیلریمیزین قورومساللاشدیریلماسینی گوجله‌ندیره‌جک ۹ آنلاشما ایمضالادیق. امکداشلیق ایمکانلارینین اینکیشافینا دقت یئتیردیک. هم بؤلگه‌سل، هم ده کوره‌سل مسئله‌لر اطرافیندا فیکیر آلیش وئریشی ائتدیک. اقتصادی و تیجاری ایلیشکیلریمیز گوندن گونه گلیشیر. سالقینا باخمایاراق تیجارت حجمیمیز گئچه‌ن ایل یوزده ۳۴ آرتاراق رکورد سویه‌یه چاتدی" دئدی.
تاخیل دالانی مسئله‌سینه ده توخونان اردوغان: "اون گون عرضینده دانیشیقلاریمیزی آرتیریب نتیجه الده ائتمه‌یه چالیشاجاغیق" ایفاده‌سینی ایشلتدی.
