چاتاکلی: ۱۴۲ تروریست ضررسیزلشدیریلدی
"ژوئن آییندا توپلام ۱۶ ترور ائیلمینین قارشیسی آلینمیشدیر"
ژوئن آییندا ۱۴۲ تروریست ضررسیزلشدیریلدی، ۱۶ ترور ائیلمینین قارشیسی آلیندی.
ایچ ایشلری باخانی یاردیمچیسی اسماعیل چاتاکلی، باشکند آنکارادا تشکیل ائتدیگی، "آیلیق مطبوعات بیلگیلندیرمه توپلانتیسی"ندا ترورا قارشی عملیاتلارین آرالیقسیز داوام ائتدیگینی وورغولادی.
"ژوئن آییندا یاز/یای و ارن قوشاتمانین دا اولدوغو ترور هؤرگوتو پکاکایا قارشی فعالیتلریمیز چرچیوهسینده کند منطقهلرینده سککیزی بؤیوک، آلتمیش بیری اورتا اولماقلا توپلام ۱۲ مین ۶۵۴ عملیات حیاتا گئچیریلدب. شهرلرده فعالیت گؤسترهن بوتون ترور هؤرگوتلرینین حجره یاپیلانماسی و ایشبیرلیکچیلرینه ۱۴۲۱ عملیات ائدیلدی.
بو عملیاتلاردا آرالاریندا بیری لیستده اولمایان، بیری بوز، ایکیسی نارینجی، ایکیسی گؤی کتگوریده آختاریشدا اولان تروریست اولماقلا، توپلام ۱۴۲ تروریست ضررسیزلشدیریلدی.
آیریجا ژوئن آییندا ترور هؤرگوتلرینه یاردیم، یاتاقلیق ائتدیگی و هؤرگوتلرله ارتباطلی اولدوغو دگرلندیریلن ۲ مین ۷۹۱ شبههلی گؤزآلتینا آلینمیش، اونلاردان ۴۰۵ نفری توتوقلانمیشدیر. بونون بانی سیرا، ژوئن آییندا توپلام ۱۶ ترور ائیلمینین قارشیسی آلینمیشدیر" دئیه دانیشدی.
چاتاکلی، یاسادیشی کؤچ ایله موباریزه ایله باغلی بیلگیلری ده پایلاشاراق دئدی:
"ژوئن آییندا توپلام ۳۳ مین ۴۶۵ کؤچمن و ۶۱۲ تشکیلاتچی یاخالاندی.
اؤلکهلرینه قاییدان سوریهلی ساییسی ۵۰۹ مین ۷۹۱ و ثبت ائدیلمیش سوریهلی ساییسی ایسه ۳ میلیون ۶۴۸ مین ۹۸۳ نفردیر".