اردوغان، ناتو ذیروهسینده لیدئرلره ترورلا باغلی ویدئو ایزلتدی
"بیر چوخ آوروپالی متفیق تۆرکیهنین میللی گۆونلیگی و تۆرک وطنداشلارینین حیاتینی تهدید ائدن ترور هؤرگوتو پکاکا و اونون تؤرهمهلرینه بیرباشا و یا دولایی یول ایله سیاسی، مادی و سلاح دستگی وئرمهیه داوام ائدیر"
جمهورباشقانی رجب طیب اردوغان، ناتو لیدئرلر ذیروهسی چرچیوهسینده ترورلا باغلی اوتورومدا لیدئرلره ایلهتیشیم باشقانلیغی طرفیندن حاضرلانان و تۆرکیهنین ترورلا موباریزهسینین آنلاتیلدیغی ویدئونو ایزلهتدی.
جمهورباشقانی اردوغان، ایسپانیانین باشکند مادریدده ناتونون دؤولت و حکومت باشقانلاری ذیروهسی چرچیوهسینده گئچیریلهن «ترورلا موباریزه» اوتورومونا قاتیلدی.
بورادا اردوغان لیدئرلره، «ناتو ترورون بوتون شکیللری ایله موباریزه تعهدو وئرمهلیدیر» باشلیقلی ویدئو ایزلهتدی.
بؤلوجو ترور هؤرگوتو پکاکا/یپگ، داعش و فئتونون تۆرکیهده حیاتا گئچیردیی سالدیریلاردان گؤرونتولرین یئر آلدیغی ویدئودا تۆرکیهنین بوتون ترور هؤرگوتلرینه قارشی قرارلی موباریزهسی ایشاره ائدیلدی.
ویدئودا بعضی اؤلکهلرین تۆرکیهنین موباریزه آپاردیغی ترور هؤرگوتلرینین فعالیتینه و گؤستریلرینه مسامحه گؤستردیگینی و دستکلدیگینی گؤسترهن گؤرونتولر ده یئر آلدی.
ویدئودا تۆرکیهده ترور نتیجهسینده ۴۰ میندن چوخ اینسانین حیاتینی ایتیردیگی وورغولانیر.
"استراتژیک و چالخانتیلی بیر جغرافیادا یئرلشهن تۆرکیهنین گۆونلیگی و ثابتلیگی داواملی اولاراق ترور هؤرگوتلرینین هدفینده اولموشدور. تۆرکیه سون ۴۰ ایلده پکاکانین یورد ایجیندهکی ترور تهلوکهسینی یوخ ائتدی، سوریهده داعشی، ان سون ایسه فئتونو مغلوب ائتدی. ترور ائیلملرینده اون مینلرجه وطنداشی شهید اولان، اؤلکهنین تهلوکهسیزلیگینی و ثابیتلیگینی تامین ائتمک اوچون میلیاردلارلا دلار خرجلهمک مجبوریتینده قالان تۆرکیه بؤیوک بدل اؤدهدی" ایفادهلری ایله تۆرکیهنین ترورلا موباریزهسی آنلاتیلدی.
ناتونون باش کاتیبی ینس استولتنبرگین، «آنلامالیییق و نظره آلمالیییق کی، هئچ بیر ناتو متفیقی تۆرکیه قدر ترور سالدیریلارینا معروض قالمامیشدیر» سؤزلرینین ده وورغولاندیغی ویدئودا آوروپالی متفیقلرین تۆرکیهیه یؤنلمیش ترورا قارشی توتوملارینا دقت چکیلدی.
فرانسانین باشکندی پاریس، اینگیلترهنین باشکندی لندن، هلندین باشکندی آمستردام، فنلاندین باشکندی هلسینکی و سوئدین مالمو و آلمانیانین دوسلدورف شهرلرینده ترور هؤرگوتو طرفدارلارینین گؤستریلرینین یئر آلدیغی ویدئودا،
"تۆرکیه ترورا قارشی قرارلی موباریزهسینی داوام ائتدیرسه ده، ناتو متفیقلری تأسف کی، آنکارانین میللی گۆونلیک قایغیلارینا گؤز یومدو. بیر چوخ آوروپالی متفیق ایسه تۆرکیهنین میللی گۆونلیگی و تۆرک وطنداشلارینین حیاتینی تهدید ائدن ترور هؤرگوتو پکاکا و اونون تؤرهمهلرینه بیرباشا و یا دولایی یول ایله سیاسی، مادی و سلاح دستگی وئرمهیه داوام ائدیر" وورغوسو ائدیلدی.
آمریکانین ترور هؤرگوتو پکاکانین سوریه قولو یپگیه ترورلا موباریزه ماسکی آلتیندا پول، تعلیم و سلاح دستگینه داوام ائتدیگی بیلدیریلن ویدئودا، پنسیلوانیاداکی فئتو دوشرگهسینین گؤرونتولری ایله بیرلیکده، فئتو لیدئری هله ده حساب وئرمکدن قاچیر و پنسیلوانیادا یاشایاراق ترور هؤرگوتونه تاپشیریقلار وئرمهیه داوام ائدیر» ایفادهلرینه یئر وئریلدی.
ویدئودا،
«دایانیشما ایچینده اولماق و هر عضو اؤۀکهنین میللی گۆونلیک قایغیلارینا حؤرمتله یاناشماق ناتونون ترورلا موباریزه گیریشیملرینین باشاریسی اوچون بؤیوک اؤنمه صاحیبدیر" وورغوسو ائدیلدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.