اردوغان: تورکیهنین گوونلیک قایغیلارینی نظره آلمالیدیرلار
جمهورباشقانی اردوغان بو گون باشلایاجاق و ایکی گون داوام ائدجک "ناتو دؤولت و حکومت باشقانلاری ذیروهسی"نه قاتیلماق اوچون ایسپانیانین باشکندی مادریده گئتدی
جمهورباشقانی رجب طیب اردوغان،
"سوئد و فنلاند ناتویا عضو اولماق ایستییرسه، اتفاقین ۷۰ ایللیک عضوو اولان تورکیهنین گوونلیک قایغیلارینی نظره آلمالیدیرلار" دئدی.
جمهورباشقانی اردوغان بو گون باشلایاجاق و ایکی گون داوام ائدجک "ناتو دؤولت و حکومت باشقانلاری ذیروهسی"نه قاتیلماق اوچون ایسپانیانین باشکندی مادریده یولا دوشمهدن اؤنجه باشکند آنکارانین اسنبوغا هاوا لیمانیندا آچیقلامالار وئردی.
اردوغان، اوکرایناداکی ساواشین داوام ائتدیگی حساس بیر زاماندا گئرچکلشن ذیروهده ناتونون آوروپا آتلانتیک جغرافیاسینین گوونلیگی باخیمیندان اوینادیغی اصلی رولون تایید ائدیلهجگینی سؤیلهدی.
ذیروهدن اساس گؤزلنتیلرینین اتفاق دایانیشماسینین شرطسیز شکیلده اورتایا قویولماسی اولدوغونو وورغولایان اردوغان:
"متفیقلریمیزدن هر جور تروریزمله موباریزهده آیرییم ائتمهمهلرینی، بیر متفیقه قارشی تهدیدین، اصلینده بوتؤولوکده ناتو اوچون تهدید آنلامینا گلدیگینی گؤرمهلرینی گؤزلهییریک" دئدی.
بو سحر آمریکا باشقانی جو بایدنله تلفندا دانیشیدیغینی بیلدیرهن اردوغان،
"(بایدن) بو آخشام و یا یارین یئنیدن گؤروشمک آرزوسونو ایفاده ائتدی. بیز ده ‘اولابیلیر’ دئدیک" ایفادهسینی ایشلتدی.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"