امیرعبداللهیان: تورکیه‌نین گوونلیک قایغیلاری حل ائدیلمه‌لی
امیرعبداللهیان، دونن باشکند آنکارادا خاریجی ایشلر باخانی مؤولود چاووش‌اوغلو ایله گؤروشمه‌سیندن سونرا اورتاق مطبوعات توپلانتیسیندا دانیشدی
ایرانین خاریجی ایشلر باخانی حسین امیرعبداللهیان، تورکیه‌نین سوریه‌ده‌کی گوونلیک قایغیلارینین ان قیسا زاماندا و قالیجی اولاراق حل ائدیلمه‌سی لازیم اولدوغونو بیلدیردی.
امیرعبداللهیان، دونن باشکند آنکارادا خاریجی ایشلر باخانی مؤولود چاووش‌اوغلو ایله گؤروشمه‌سیندن سونرا اورتاق مطبوعات توپلانتیسیندا دانیشدی.
تورکیه‌نین سوریه ایله باغلی ایفاده ائتدیگی گوونلیک قایغیلارینا توخونان عبداللهیان،
"بیز تورکیه‌نین بو مسئله ایله باغلی گوونلیک قایغیلارینی چوخ یاخشی آنلاییریق. عینی زاماندا اؤزل بیر عملیاتی گوندمه گتیردیگینی ده آنلاییریق. بو قونودا دگرلی قونومداشیم چاووش‌اوغلو ایله آیرینتیلی دانیشیب، اینجه‌لمه‌لر ائتدیک. اینانیریق کی، تورک طرفینین، تورک دوستلاریمیزین گوونلیکله باغلی قایغیلاری تئزلیکله و قالیجی شکیلده اورتادان قالدیریلمالیدیر" دئدی.
تورکیه‌نین قدس و فیلیسطین مسئله‌سی ایله باغلی باخیش آچیسینی هر زامان بیلدیکلرینی و بوندان آرخایین اولدوقلارینی دیبه گتیرن عبداللهیان،
"تورکیه قدس دعویسیندن، فیلیسطین دعویسیندن هئچ واخت وازگئچمه‌میشدیر، وازگئچمه‌‌یه‌جکدیر. آنجاق صهیونیستلر هارا گئتسه‌لر، همیشه اورایا گوونسیزلیک و فیتنه آپارمیشلار" ایفاده‌لرینی ایشلتدی.
ایرانین قونشولاری ایله ایلیشکیلرینی داها دا درینلشدیرمک و گوجله‌ندیرمک ایسته‌گینه توخونان عبداللهیان،
"ایران اسلام جمهوریتی اوچون تورکیه‌نین گوونلیگی ایرانین گوونلیگی دئمکدیر. بیزیم بؤلگه‌یه، دوست و قارداش اؤلکه‌یه (تورکیه) خیردن باشقا بیر آرزوموز یوخدور" دئدی.
