اردوغان، افس-۲۰۲۲ مانورونو ایزله‌دی
سئچکین گؤزلمچی گونو فعالیتلرینین ایکینجی بؤلومو پرزیدنت اردوغانین مانور ساحه‌سینه گلیشیندن سونرا باشلادی
افس-۲۰۲۲ مانورونون "سئچکین گؤزلمچی گونو" فعالیتلرینین ایکینجی بؤلومو، جمهورباشقانی رجب طیب اردوغانین قاتیلیمی ایله باشلادی.
ایزمیرین سفری‌حیصار ائلچه‌سینده‌کی دوغان‌بی آتشلی مانور بؤلگه‌سین‌ه گئچیریله‌ن افس مانورونون سئچکین گؤزلمچی گونو فعالیتلری داوام ائدیر.
میللی ساوونما باخانی حولوصی آکارین، ۱۰دان چوخ اؤلکه‌نین ساوونما باخانلاری و باش قرارگاه باشقانلارینین یانی سیرا تورک سلاحلی گوجلری قوموتانلاری ایله تعقیب ائتدیگی سحر فعالیتلری، معین ائدیلمیش هدفلرین دقیق شکیلده وورولماسی ایله تاماملاندی.
سئچکین گؤزلمچی گونو فعالیتلرینین ایکینجی بؤلومو ایسه پرزیدنت اردوغانین مانور ساحه‌سینه گلیشیندن سونرا باشلادی.
اردوغان مانورو ایزله‌یه‌ن قوناق ساوونما باخانلاری و باش قرارگاه باشقانلاری ایله بیر مدت صحبت ائتدی.
قورو قوشونلاری قوموتانی ژنرال موسی آوسئورین مانورلا باغلی وئردیگی بریفینگ‌دن سونرا مانور چرچیوه‌سینده تورک سلاحلی گوجلری عنصورلاری طرفیندن هدفلر وورولماغا باشلاندی.
افس-۲۰۲۲ مانورو، میللی ساوونما باخانلیغی، باش قرارگاه، قورو، دنیز و حربی هاوا گوجلری، ژاندارما، ساحل گوونلیک، مولکی اجتماعی قوروم و قورولوشلارلا بیرلیکده آمریکا، آلمانیا، آلبانیا، استرالیا، آذربایجان، بحرین، بنگلادش، بوسنی و هرزگوین، بورکینا فاسو، چکیا، اتیوپی، فرانسا، گامبیا، گورجوستان، عراق، اینگیلتره، ایتالیا، کامرون، قطر، قازاقیستان، قیرقیزیستان، کره جمهوریتی، کوزوو، کویت، قوزئی مقدونیه، لتونی، لیبی، ماجاریستان، مالزی، موغولوستان، نیجریه، اؤزبکیستان، پاکیستان، رواندا، اسلوواکی، سومالی و اردندان گلن بیرلیک و عنصورلارلا، ۱۱۰۰ نفری خارجی اولماق اوزره تخمیناً ۱۱ مین پرسنلین ایشتیراکی ایله گئرچکلشدیریلیر.
افس ۲۰۲۲ مانورونون گئجه فعالیتلری دونن گئچیریلمیشدی.
