ابراهیم کالین سوئد و فینلاندیانین ناتو-یا عضولوک موذاکیره‌لری ایله باغلی آچیقلاما وئریب
سوئد و فینلاندیانین نوماینده هئیتی ناتو-یا عضولوک مسئله‌سینی تورکیه ایله موذاکیره ائتمک اوچون آنکارایا گلیب‌لر.
سوئد و فینلاندیانین نوماینده هئیتی ناتو-یا عضولوک مسئله‌سینی تورکیه ایله موذاکیره ائتمک اوچون آنکارایا گلیب‌لر.
جمهور باشقانلیغی سوزچوسو ابراهیم کالین سوئد و فینلاندیا نوماینده هئیت‌لری ایله گؤروش‌دن سونرا پرزیدنت ایقامتگاهیندا مطبوعات کنفرانسی کئچیریب.
ابراهیم کالین رسمی آنکارانین ترورا قارشی موباریزه‌ده موضعی‌نین دییشمز اولدوغونو دقته چاتدیریب. او، تأسفله بیلدیریب کی، تورکیه-یه قارشی دؤیوشن پ.کا.کا، پ.ی.د/ی.پ.گ، DHKP-C و فتو کیمی ترور تشکیلات‌لاری بعضی آوروپا، ائله‌جه ده ناتو-یا عضو اؤلکه‌لرده، همچنین فینلاندیا و سوئد-ده مؤوجوددور.
"بیز قارشی طرف‌لره پ.کا.کا/پ.ی.د و ی.پ.گ ترور تشکیلات‌لاری‌نین بیزیم اوچون عینی ماهیت داشیدیغینی آچیق و قطعی شکیلده ایفاده ائتدیک. پ.کا.کا دیگر اؤلکه‌لرده باشقا آدلار آلتیندا فعالیت گؤستریر. بونا گؤز یومماق، حتی معین معنادا اونلاری دستکلمک یول وئریلمزدیر"، - دئیه ابراهیم کالین قئید ائدیب.
ابراهیم کالین کونکرت ترورچو فعالیت‌لرینه گؤره ایندییه‌دک سوئد-دن 28 و فینلاندیا‌دان ایسه 12 شخصین گئری وئریلمه‌سی طلبی ایله همین اؤلکه‌لر مراجعت ائدیلدیگینی ده خاطیرلادیب.
"بیز مئساژیمیزی چوخ آچیق شکیلده ایفاده ائتمیشیک. تورکیه-نین تهلوکه‌سیزلیگی ایله باغلی ناراحات‌لیق دوغوران مقام‌لار کونکرت حلینی تاپمایانا قدر پروسه ایره‌لیلمه‌یه‌جک. تورکیه-نین ترورلا موباریزه‌ده موضعی و طلب‌لری دییشمزدیر. ان آزی اونا گؤره کی، اؤلکه داخیلینده و دؤولت سرحدلری بویونجا ترور یووا‌لاری و ترورچولار هله ده مؤوجوددور" ، - دئیه کالین بیلدیریب.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
