اردوغان: دنگه سیاستی یورودوروک
جمهورباشقانی اردوغان، یئنی بیر دۆنیا ساواشینین چیخماسینین نه بؤلگه‌یه، نه ده دۆنیایا فایداسینین اولاجاغینی دیله گتیردی.
جمهورباشقانی رجب طیب اردوغان
"هم روسیا، هم ده اوکراینا ایله باغلی دنگه سیاستی یۆرودوروک" دئدی.
اردوغان ۱۹ می آتاتورکو آنما، گنجلیک و ایدمان بایرامی موناسیبتی ایله جمهورباشقانلیغی میللی کیتابخاناسیندا گئچیریله‌ن "کیتابخانا سؤیله‌شیلری" چرچیوه‌سینده فرقلی شهرلردن گنجلرله بیر آرایا گلدی.
اردوغان،
"روسیا-اوکراینا ساواشی سیراسیندا سۆردوردوگونوز ایلکه‌لی و طرفسیز بیر توتوم واردیر. بو توتوم نتیجه‌سینده اؤزللیکله روسیا و باتیدان هر هانسی بیر باسقی اولدو مو؟ اولدو ایسه، تورکیه بونونلا نئجه باشا چیخدی؟" سوالینا، بئله جاواب وئردی:
"بیز هم روسیا، هم ده اوکراینا ایله باغلی دنگه سیاستی یۆرودوروک. بو سیاستده من نه پوتینله، نه ده زلنسکی ایله ایلیشکیلری کسمک نیتینده دئییله‌م. سایین پوتین ایله ده زلنسکی ایله ده تلفن دیپلوماسیمی سۆردورورم. اؤزل نماینده‌می اونلارا گؤندردیم، گؤندریرم. بوندان سونرا دا بونو داوام ائتدیرجییک".
جمهورباشقانی اردوغان، یئنی بیر دۆنیا ساواشینین چیخماسینین نه بؤلگه‌یه، نه ده دۆنیایا فایداسینین اولاجاغینی دیله گتیردی.
