اردوغان: ناتو متفیقلریندن تورکیه‌نین حساسیتلرینی آنلامالارینی گؤزله‌ییریک

"ناتونون گئنیشله‌مه‌سی بیزیم اوچون، حساسیتلریمیزه ائدیله‌جک سایغی نسبتینده آنلاملیدیر"

1829021
اردوغان: ناتو متفیقلریندن تورکیه‌نین حساسیتلرینی آنلامالارینی گؤزله‌ییریک

جمهورباشقانی رجب طیب اردوغان تروریستلری تورکیه‌یه تحویل وئرمه‌یه‌ن اؤلکه‌لرین ناتو عضولوگونه «اولور» دئیه بیلمه‌یه‌جکلرینی وورغولایاراق،

"ناتونون گئنیشله‌مه‌سی بیزیم اوچون، حساسیتلریمیزه ائدیله‌جک سایغی نسبتینده آنلاملیدیر" دئدی.

جمهورباشقانی و عدالت و قالخینما پارتیسی باشقانی اردوغان پارتیسینین تورکیه بؤیوک میللت مجلیسی قروپ توپلانتیسیندا دانیشدی.

ناتو متفیقلریندن تورکیه‌نین حساسیتلرینی آنلامالارینی و بونو دستکله‌مه‌لرینی گؤزله‌دیکلرینی وورغولایان اردوغان:

"تورکیه‌نین سرحدلرینی قوروماق اوچون گؤستردیگی چابالاری باشا دوشمه‌لرینی گؤزله‌ییریک. سیز (فنلاند و سوئد) بیزه تروریستلری وئرمه‌یه‌جکسینیز، سونرا بیزدن ناتویا گیرمک اوچون دستک گؤزله‌یه‌جکسینیز. بؤلوجو ترور هؤرگوتو پ‌کاکایا دستک وئریب عضولوک اوچون دستک ایسته‌مک توتارسیزلیقدیر. تروریستلری بیزه تحویل وئرمه‌یه‌ن اؤلکه‌لرین ناتو عضولویونه «اولور» دئیه‌بیلمریک. ناتونون گئنیشله‌مه‌سی بیزیم اوچون، حساسیتلریمیزه ائدیله‌جک سایغی نسبتینده آنلاملیدیر" دئدی.

جمهورباشقانی،

"ناتوداکی اورتاقلاریمیز تورکیه‌نی هدف آلان ترور هؤرگوتلرینه سلاح و مهمات گؤندرمه‌دی می؟ ترور هؤرگوتلری داها دا گوجله‌نسین دئیه یوز میلیونلارجا یورو وئریرلر" دئدی.



ایلگیلی‌لی خبرلر