تورکیه: تاریخی فاکت‌لاری سیاسی شرح‌لرله ساختالاشدیران بیانات‌لاری و قرارلاری رد ائدیریک
تورکیه خاریجی ایشلر ناظبرلیگی مؤوضوع ایله باغلی آچیقلاما وئریب.
1915-جی ایل حادثه‌لری ایله باغلی تاریخی فاکت‌لارلا و اولوسلار آراسی حقوقلا باغلی اولمایان آچیقلاما‌لار اعتبارلی دئییل. بورایا امریکا پرزیدنتی جو بایدنین 2021-جی ایلده ائتدیگی سهوی تکرارلایان بوگونکو اوغورسوز بیاناتی دا داخیل‌دیر. تاریخی فاکت‌لاری سیاسی شرح‌لرله ساختالاشدیران بیانات‌لاری و قرارلاری رد ائدیر، بو سهوده اصرار ائدن‌لری قطعیت ایله قیناییریق". بو فیکیرلر تورکیه خاریجی ایشلر ناظیرلیگی‌نین مؤوضوع ایله باغلی آچیقلاماسیندا عکسینی تاپیب.
آچیقلامادا دقته چاتدیریلیب کی، تاریخده دوشمنچی‌لیک یاراتماق‌دان باشقا هئچ بیر مقصده خیدمت ائتمه‌ین بیرطرف‌لی و غرضلی یاناشما‌لار معنوی باخیمدان پروبلئم‌لی‌دیر و سیاسی موتیو داشیییر. تورکیه ارمنی‌لر ده داخیل اولماقلا، بوتون عثمانلی اها‌لی‌سی‌نین چکدیگی اذیت‌لری حؤرمتله خاطیرلاییر. بیز بو آغری‌لاری سیاسی‌لش‌دیرمک جهدلرینی رد ائدیریک. تورکیه بو فیکیرده‌دیر کی، 1915-جی ایل حادثه‌لری کیمی تاریخین موباحیثه لی دؤورلری غرضسیز، علمی-حقوقی پرینسیپ‌لر چرچیوه‌سینده آراشدیریلما‌لی‌دیر. تورکیه بو مقصدله مشترک تاریخ کمیسیونونون یارادیلماسینی تکلیف ائتدی و بوتون آرشیولرینی آچدی. تورکیه بؤلگه‌ده و دونیادا باریش و ثابیتلیگین اولماسی، امکداش‌لیق روحونون اؤن پلانا چیخماسی اوچون چالیشیر. ارمنیستانلا باشلایان نورماللاشما تشببوسو ده بو آنلاییشین نؤوبتی تظاهرودور.
ایلگیلی‌لی خبرلر
عائله و سوسیال خیدمت‌لر ناظیری اؤزبکیستان-دا سفرده دیر
ماه نور اؤزدمیر گؤکتاش اؤزبکیستان عائله و قادین کومیته‌سی‌نین صدری اوزودا پارپیبایوا ایله گؤروشوب
