"تورکجهمیزی قوروماق اساسیندا بیر میللی مباریزهدیر"
اردوغان: هئچ شبههسیز اؤز دیلیمیز، تورکجهمیز بیر باشقا گؤزلدیر. چونکو تورکجه بیزیم آنا دیلیمیز، آتا میراثیمیزدیر
جمهورباشقان اردوغان،
"تورکجهمیزی قوروماق، گلیشدیرمک و زنگینلشدیرمک اوچون وئردیگیمیز مباریزه، اساسیندا بیر میللی مباریزهدیر" دئدی.
اردوغان، جمهورباشقانلیغی سارایی کنفرانس سالونوندا یونوس امره ائلی گؤرسل و ائشیدسل مئدیادا دوغرو تورکجه قوللانیمی اؤدول مراسیمینه قاتیلدی.
اردوغان بورادا ائتدیگی دانیشمادا، هر دیلین اؤز ایچینده استئتیکله هؤرولموش بیر شعر اولدوغونو سؤیلهیهرک،
"هئچ شبههسیز اؤز دیلیمیز تورکجهمیز بیر باشقا گؤزلدیر. چونکو تورکجه بیزیم آنا دیلیمیز. آتا میراثیمیزدیر، گلهجک ضمانتیمیزدیر. تورکجهنین هر بیر سؤزو بیزیم اوچون قیمتسیز بیر جواهیر کیمیدیر" دئدی.
"دیلینی یاشادابیلمهیهن بیر میللتین، بیر گون اینانجی داخیل منلیگینی اولوشدوران دگرلرینی بیر بیر ایتیرهرک یوخ اولماسی قاچینیلمازدیر. تورکجهمیزی یاشاتمادان میللتیمیزین گلهجگینه گوونله باخابیلمریک" ایفادهلرینی ایشلدن اردوغان،
"تورکجهمیزی قوروماق، گلیشدیرمک و زنگینلشدیرمک اوچون وئردیگیمیز مباریزه، اساسیندا بیر میللی مباریزهدیر" دئدی.
جمهورباشقانی، بو گون آدریاتیکدن چین دووارینا اوزانان گئنیش بیر جغرافیادا ان چوخ دانیشیلان دیلین تورکجه اولدوغونو دا سؤیلهدی.