تورکیه-نین ایلک لیتیوم دمیر فسفات باتری فابریکاسی‌نین تملی آتیلیب
صنایع و تکنولوژی ناظیری مصطفی وارانک "تورکیه-ده انرژی موختلیف‌لیگینی آرتیرماق اوچون اؤلکه‌میزین دؤرد بیر طرفینده سرمایه‌لر قویوروق" دئدی.
صنایع و تکنولوژی ناظیری مصطفی وارانک "تورکیه-ده انرژی موختلیف‌لیگینی آرتیرماق اوچون اؤلکه‌میزین دؤرد بیر طرفینده سرمایه‌لر قویوروق" دئدی.
آنکارانین پولادلی ائلچه سینده کنترلماتیک تکنولوژی لیتیوم دمیر فسفات باتری زاوودونون تمل آتما مراسیمینده ائتدیگی چیخیشیندا تورکیه-نی ینی کریتیک تکنولوژیلر قلوبال بازاسی ائتمک اوچون چالیشدیق‌لارینی وورغولایان مصطفی وارانک دئییب: "سرعت‌لی تکنولوژی پروسه لرله انرژییه اولان احتیاج هر گون آرتیر.
فسیل یانا‌جاق‌لارین ایستیفاده ائدیلدیگی ایچدن یانما‌لی موتور تکنولوژیسی آرتیق تاریخ اولدو. بون‌لارین یئرینی آلا‌جاق الکتریک‌لی ماشین‌لارین خرجی‌نین بؤیوک قیسمینی باتری لر تشکیل ائدیر.
اؤلکه اولا‌راق رقابت شرط‌لری‌نین برابرلندیگی بو دؤورده تورکیه اؤز اتومبیلی ایله الکتریک‌لی ماشین سئکتورونا سرعتله داخیل اولدو. بو گون لاییحه اوزره هر شئی یولوندا گئدیر.
ایل سونوندا، اینشاءالله، ایلک الکتریک‌لی ماشین‌لار آردیجیل اوره تیم باندیندان چیخا‌جاق. اما بیز TOGG کیمی لاییحه‌لرین اوزون مدتلی قالیجی موفقیته چاتماسیندا باتری تکنولوژی لرینین چوخ تأثیرلی اولاجاغینا امینیک.
تورکیه-نی 2022-جی ایلده ده صنایع و تکنولوژی سئکتوروندا بؤیوتمه‌یه داوام ائدیریک. اؤلکه‌نی سرمایه، اوره تیم، صادرات و استخدام روتاسیندا توتماقدا قرارلیییق. انرژی سرمایه‌لری ده بو هدف‌لره چاتماقدا بیزه تأمینات اولا‌جاق".
چیخیشیندان سونرا تورکیه-نین صنایع و تکنولوژی ناظیری مصطفی وارانک و اونونلا گلن رسمی هئیت بوتونلارا باسا‌راق فابریکانین تملینی آتدی‌لار.
