ارن قیش عملیاتلاری داوام ائدیر
بؤلوجو ترور هؤرگوتو پکاکایا قارشی ارن قیش-۱۵ باتمان-زوری شهید ژاندارما فاتح تکدوغان عملیاتی باشلادی
1763946
باتماندا بؤلوجو ترور هؤرگوتو پکاکایا قارشی ارن قیش-۱۵ باتمان-زوری شهید ژاندارما فاتح تکدوغان عملیاتی باشلادی.
ایچ ایشلری باخانلیغیندان وئریلهن آچیقلامادا، تروریستلری «آختار-تاپ-یوخ ائت» تاکتیکی ایله ائتکیسیز حالا گتیرمک، باشدا سالدیری اولماق اوزره هر جور حاضیرلیقلارینی بوشا چیخارتماق و بؤلگهدکی گوون اورتامینی گوجلندیرمک آماجی ایله باشلادیلان عملیاتدا دیارباکیر ژاندارماسیندان ۱۴۴۰ پرسنلین وظیفه آلدیغی بیلدیریلدی.
آچیقلامادا، اؤلکهده ترورو تامامیله آرادان قالدیرماق اوچون حیاتا گئچیریلهن ارن قیش عملیاتلارینین خالقین دستگی ایله «اینانج و عزمله» باشاریلی بیر شکیلده داوام ائتدیگی قید ائدیلدی.