اردوغان بو ایل ایلک خاریجی سفرینی آلبانیایا ائد‌جک
جمهورباشقانی اردوغان، آلبانیادا باش وئره‌ن زلزله نتیجه‌سین‌ده ائولری ییخیلمیش عائله‌لر اوچون تورکیه طرفین‌دن لاچ شهرین‌ده تیکیله‌ن ائولرین تحویل وئریلمه‌سی مراسمینه قاتیلاجاق
جمهورباشقانی رجب طیب اردوغان بو ایل ایلک خاریجی سفرینی آلبانیایا ائد‌جک.
اردوغان بو گون آلبانیانین باشباخانی ائدی رامانین دعوتی ایله بو اؤلکه‌یه گئدیر.
سفر چرچیوه‌سین‌ده کگئچیریله‌جک گؤروشمه‌لرده استراتژیک اورتاقلیق سویه‌سین‌ده‌کی تورکیه-آلبانیا ایلیشکیلری بوتون ابعادی ایله گؤزدن گئچیریله‌جک، امکداشلیغین درینلشدیریلمه‌سی اوچون آتیلاجاق آددیملار مذاکیره اولوناجاق.
گؤروشمه‌لرده ایکیلی ایلیشکیلرله یاناشی، بؤلگه‌سل و اولوسلارآراسی مسئله‌لره دایر ده فیکیر آلیش وئریشی آپاریلاجاق.
۲۰۱۹.جو ایلده آلبانیادا باش وئره‌ن زلزله نتیجه‌سین‌ده ائولری ییخیلمیش عائله‌لر اوچون تورکیه طرفین‌دن لاچ شهرین‌ده تیکیله‌ن ائولرین تحویل وئریلمه‌سی مراسمی ده اجرا ائدیله‌جک.
اردوغان تیرانادا تورک ایش‌بیرلیگی و کووردیناسیون آژانسی (تیکا) طرفین‌دن تعمیر ائدیله‌ن ادهم بی مسجیدینین آچیلیشین‌دا ایشتیراک ائد‌جک و آلبانیا مجلیسینده دانیشاجاق.
