تورکیه و ارمنیستان گؤروشمه‌لری

"طرفلر، مذاکیره‌لری تام نورماللاشما هدفی ایله اؤن شرط اولمادان داوام ائتدیرمه قونوسوندا آنلاشمیشدیر"

1762853
تورکیه و ارمنیستان گؤروشمه‌لری

تورکیه و ارمنیستان، مذاکیره‌لری تام نورماللاشما هدفی ایله اؤن شرط‌سیز داوام ائتدیره‌جک.

تورکیه‌نین ارمنیستان اؤزل نماینده‌سی ائلچی سردار قیلیچ ایله ارمنیستانین اؤزل نماینده‌سی روبین روبینیان، ایکی اؤلکه آراسین‌داکی ایلیشکی‌لرین نورماللاشماسی قونوسونو اله آلماق اوزره روسیانین باشکندی موسکوادا بیر آرایا گلدی.

ایلک ییغینجاغین آردین‌دان یازی‌لی آچیقلاما یاییملایان تورک خاریجی ایشلر باخانلیغی، اؤزل نماینده‌لرین، مثبت و یاپیجی بیر آتموسفرده گرچکلشدیردیکلری ایلک گؤروشمه‌لرین‌ده، تورکیه و ارمنیستان آراسین‌دا دیالوگ یولویلا ایجرا ائدیله‌جک نورماللاشما سوره‌جینه دایر، اؤن فیکیر آیش وئریشی ائده‌جکلرینی بیلدیردی.

آچیقلامادا،

"طرفلر، مذاکیره‌لری تام نورماللاشما هدفی ایله اؤن شرط اولمادان داوام ائتدیرمه قونوسوندا راضی قالمیشلاردیر. اؤزل نماینده‌لر آراسین‌داکی ایکینجی گؤروشمه‌نین یئری و تاریخی، دیپلوماتیک کاناللاردان تعیین اولوناجاق" ایفاده‌سینه یئر وئریلدی.

دیپلوماتیک قایناقلار، موسکواداکی ایکی‌لی گؤروشمه‌نین بیر ساعات یاریم داوام ائتدیگینی ایفاده ائتدی.

خاریجی ایشلر باخانی مؤولود چاووش‌اوغلو، ۱۳ دسامبردا تورکیه بؤیوک میللت مجلیسین‌ده ائتدیگی دانیشمادا، تورکیه-ارمنیستان ایلیشکی‌لرین‌ده یئنی بیر دؤنمین باشلادیغینین سیگناللارینی وئرمیشدی.

ائلچی سردار قیلیچ، ۱۵ دسامبردا ارمنیستان جمهوریتین‌ده تورکیه جمهوریتی اؤزل نماینده‌سی اولاراق وظیفه‌لندیریلمیشدی.

ارمنیستان دا مجلیس باشقانی کؤمکچی‌سی روبین روبینیانی، تورکیه ایله ایلیشکی‌لرین نورماللاشماسی چرچیوه‌سین‌ده اؤزل نماینده اولاراق تعیین ائتمیشدی.



ایلگیلی‌لی خبرلر