چاووش‌اوغلو: بوتون ایمکانلاریمیزلا قازاقیستانین یانینداییق

"تورک دؤولتلرینین عائله‌سی اولاراق بو چتین گونده قازاق قارداشلاریمیزین یانینداییق و اونلارلا دایانیشما حالینداییق"

1760822
چاووش‌اوغلو: بوتون ایمکانلاریمیزلا قازاقیستانین یانینداییق

خاریجی ایشلر باخانی مؤولود چاووش‌اوغلو قازاقیستانین چتین گونونده یانلارین‌دا اولماغی اؤزلرینه بورج بیلدیکلرینی سؤیله‌یرک:

"بوندان سونرا دا اوستوموره نه دوشسه، بوتون ایمکانلاریمیزلا قازاقیستانین یانینداییق و بوتون ایمکانلاریمیزی سفربر ائتمه‌یه حاضیریق" دئدی.

چاووش‌اوغلو قازاقیستانی گوند‌می ایله آنلاین گئچیریله‌ن تورک دؤولتلری تشکیلاتینا عضو اؤلکه‌لرین خاریجی ایشلر باخانلارینین فؤوق‌ا‌لعاده توپلانتیسینا قاتیلدی.

چاووش‌اوغلو، تورک دؤولتلری تشکیلاتی خاریجی ایشلر باخانلاری اولاراق قازاقیستان‌داکی حادثه‌لرله باغلی اولاغان اوستو توپلانتی گئچیردیکلرینی، تورک دونیاسی عائله‌سینین اؤنملی بیر عضوو اولان قازاقیستان‌دا باش وئره‌نلرین هر کسه درین‌دن تأثیر ائتدیگینی سؤیله‌دی.

چاووش‌اوغلو، قازاقیستان‌دا باش وئره‌نلری قایغییلا ایزلدیکلرینی و تورک دونیاسینین بؤیوک بیر عائله اولدوغونو دیله گتیررک،

"قازاقیستان‌دا باش وئره‌ن حادثه‌لردن چوخ کدرلندیک. قارداشیم موختارا (قازاقیستانین خاریجی ایشلر باخانی موختار تیلوبئردی) و قازاقیستان خالقینا گئچمیش اولسون دئییریک. حیاتینی ایتیره‌نلره الله‌دان رحمت، یارالیلارا ایسه تئزلیکله شفا دیله‌ییریک. تورک دؤولتلرینین عائله‌سی اولاراق بو چتین گونده قازاق قارداشلاریمیزین یانینداییق و اونلارلا دایانیشما حالینداییق" ایفاده‌سینی ایشلتدی.

وضعیتین کنترل آلتینا آلینمیش اولماسیندان ممنون اولدوقلارینی وورغولایان چاووش‌اوغلو، علیخان سمایلووون قازاقیستانا یئنی باشباخان تعیین اولونماسین‌دان موتلو اولدوقلارینی و اونونلا امکداش‌لیق ائتمه‌یه داوام ائد‌جکلرینی بیلدیردی.

چاووش‌اوغلو،

"قازاقیستانین بو بحرانی آرادان قالدیرماق اوچون باجاریغی، تجروبه‌سی و دؤولت گله‌نگی وار. فخری باشقانیمیز نورسلطان نظربایئو و جمهورباشقانی قاسم جؤمرت توکایئوین ویزیونو ایستیقامتینده گوجلو دؤولت عاغلی اولوشموشدور. قازاق خالقی دا مؤوجود پروبلئملره حل یوللاری تاپماق اوچون بیرلیک و برابرلیک روحونو گؤسره‌جک ساغ‌دویویا صاحبدیر" دئدی.



ایلگیلی‌لی خبرلر