تورکیه ایسراییلی قینادی

خاریجی ایشلر ناظیرلیگی قدس بلدیه‌سی‌نین بؤلگه پلانلاشدیرما و تیکینتی کومیته‌سینی ایشغال آلتیندا اولان دوغو قدس-ده 3557 یئنی یاشاییش منطقه‌سینی احاته ائدن 5 مسکونلاشما پلانی‌نین تصدیقینی پیسله‌ییب.

خاریجی ایشلر ناظیرلیگیندن وئریلن یازیلی آچیقلامادا ایسراییل-ین ایشغال ائتدیگی فیلیسطین تورپاق‌لاریندا اینشا ائتدیگی مسکونلاشما‌لارین بیرلشمیش میللت‌لر تشکیلاتی‌نین (بمت) قطعنامه لری ده داخیل اولماقلا اولوسلار آراسی حقوقا ضد اولدوغو خاطیرلادیلیب.

آچیقلامادا "جوغرافی جهت‌دن واحید فیلیسطین دؤولتینی فیزیکی جهت‌دن غیری-مومکون ائتمه‌یه یؤنلمیش بو یئنی غیری -قانونی فعالیت‌لر ایکی دؤولت‌لی حل یولونا و داوام‌لی باریش زمینینه جدی زیان وورور"- دئیه بیلدیریلیب.