"نورماللاشما، ارمنیستانین آذربایجانا قارشی ایشغالچی سیاستیندن وازگئچمهسی ایله اولاجاق"
چئلیک: جمهورباشقانیمیزین ان بؤیوک حساسیتی آذربایجان تورکو قارداشلاریمیزین بو نورماللاشما مدتینه مثبت باخماسیدیر
عدالت و قالخینما پارتیسی سؤزچوسو عمر چئلیک، ارمنیستان ایله نورماللاشمانین، بو اؤلکهنین آذربایجانا قارشی ایشغالچی و سالدیرقان سیاستیندن وازگئچمهسی شرطی ایله اولابیلهجگینی سؤیلهدی.
تورکیه ایله ارمنیستان آراسیندا ایللر اول قارشیلیقلی اولاراق آددیملارین آتیلماسینا دایر بیر پروتوکول ایمضالاندیغینی آنجاق ارمنیستان آنایاسا محکمهسینین آنایاسایا ضد گؤرمهسی سببیله پروتوکولون اورتادان قالخدیغینی خاطیرلادان چئلیک، بئله دئدی:
"ایندی (گئچهن ایلکی) ایکینجی قاراباغ ساواشی ایله ایشغالین سونا چاتماسیندان سونرا هم سایین جمهورباشقانیمیز (رجب طیب اردوغان) هم آذربایجان جمهورباشقانی سایین (ایلهام) علییئو بیر ویزیون اورتایا قویدولار، بوتون گونئی قافقازدا باریشی تامین ائدجک، بوتون گونئی قافقازدا ثابتلیگی تامین ائدجک و گرگینلیگی دوشوروجک بیر مکانیزمین اورتایا چیخماسی... بونا روسیا، گورجوستان، ایران، آذربایجان و تورکیه داخیل اولدوغو کیمی سالدیرقان و ایشغالچی سیاستلردن وازگئچمهسی قیدی ایله ارمنیستانین دا داخیل اولابیلهجگی دئییلدی. /…/. جمهورباشقانیمیزین ان بؤیوک حساسیتی آذربایجان تورکو قارداشلاریمیزین بو نورماللاشما مدتینه مثبت باخماسیدیر. آذربایجان تورکو قارداشلاریمیز بو نورماللاشما سوروهجینه مثبت باخدیغی اوچون، سایین علییئو مثبت باخدیغی اوچون تورکیه هم بؤلگه باریشینا قاتقی وئرمک، بؤلگهدهکی گرگینلیگی دوشورمک و هر زامانکی اؤزونه اینامینی و یاخشی نیتینی گؤسترمک باخیمیندان بو آددیملاری آتیر".
عمر چئلیک،
"بو سببدن بو سؤیلهدییمیز قانونلار چرچیوهسینده ارمنیستانین آذربایجانا قارشی ایشغالچی و سالدیرقان سیاستیندن وازگئچمهسی شرطی ایله بو نورماللاشما گرچکلشهبیلر. تورکیه بو قونودا لازیم اولان اؤزونه ایناما، دیپلوماتیک توتوما، دیپلوماتیک حاضیرلیغا و ارادهیه مالیکدیر. اومود ائدیریک کی ارمنیستان بو ایشغالچی سیاستلردن وازگئچیب هم بوتون گونئی قافقازدا ثابتلیگی تامین ائدجک مکانیزمین بیر پارچاسی اولاراق حرکت ائدر هم ده بو نورماللاشما بیر شکیلده گرچکلشمیش اولار" دئیه دانیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.