اردوغان: تورکیه، ان مدرن قالخینما آلت یاپیسینا صاحبدیر
تورکیهنی قافقازلارا باغلایاجاق ارزورومداکی پیرینقایالار تونلی آچیلیدی
جمهورباشقانی رجب طیب اردوغان، تورکیهنین، گلیشمیش و گلیشمکده اولان اؤلکهلر آراسیندا هم ان جامع هم ان یئنی هم ان مدرن قالخینما آلت یاپیسینا صاحب دؤولت اولاراق اؤنه چیخدیغینی سؤیلهدی.
اردوغان، تورکیهنی قافقازلارا باغلایاجاق ارزورومداکی پیرینقایالار تونلی آچیلیش مراسیمینه جانلی باغلانتی ایله قاتیلدی.
"پیرینقایالار تونلیمیزین بؤلگهمیزه خیرلی اولماسینی دیلهییرم" دئیهن اردوغان،
"باغلانتی یولویلا بیرلیکده توپلام اوزونلوغو ۳.۴ کیلومتره یاخینلاشان بو پروژه ارزوروم-آرتوین آراسینداکی ترافیکین سرعتلی، گوونلی، کسینتیسیز شکیلده اولماسینی تامین ائدجک. اؤلکهمیزه ۱۸ میلیون لیرایا یاخین صرفه یانیندا کربن سالینیمینی آزالداراق چئورهنین قورونماسینا قاتقی وئرهجک. هر ایکیسی ده یوکسک توریزم پتانسیلینه صاحب ارزوروم و آرتوین آراسینداکی یول برابرینده یئنی فرصتلری گتیرهجک. هر ایکی شهر اوزریندن قافقازا یؤنهلهن ترانزیت ترافیکی ده راحتلایاجاق" شکلینده دانیشدی.
هدفلرینین، تورکییهنی دونیانین ان بؤیوک ۱۰ اقتصادیندان بیری حالینا گتیرهرک قلوبال یؤنتیم سیستمینده داها تأثیرلی سؤز صاحبی ائتمک اولدوغونو وورغولایان اردوغان،
"تورکیه، گلیشمیش و گلیشمکده اولان اؤلکهلر آراسیندا هم ان جامع هم ان یئنی هم ان مدرن قالخینما آلت یاپیسینا صاحب دؤولت اولاراق اؤنه چیخماقدادیر" دئدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.