میللی ساوونما ناظیری حولوسی آکار کوزوو-دا سفرده دیر

میللی ساوونما ناظیری حولوسی آکار رسمی سفر چرچیوه‌سینده گلدیگی پایتاخت پریشتینا-دا ساوونما ناظیرلیگیندن سونرا پرزیدنت‌لیگه گئدیب.

پرزیدنت عثمانی طرفیندن قبول ائدیلن آکار گؤروشده جمهور باشقانی رجب طیب اردوغانین سلام‌لارینی چاتدیریب و تورکیه-‌نین کوزوونون باریش و ثابت‌لیگینه وئردیگی اؤنمی بیلدیریب.

تورکیه ایله کوزوو آراسیندا ساوونما، تهلوکه‌سیزلیک و ساوونما صنایعسی ساحه‌لرینده امکداشلیغین داها دا اینکیشاف ائتدیریلمه‌سی‌نین واجیب‌لیگینی ایفاده ائدن آکار کوزوونون قدس-ده سفیرلیک آچماسیندان ناراضی‌لیغینی ایفاده ائده‌رک، بونون کوزوونون دیگر اؤلکه‌لر طرفیندن تانینماسینا مانع اولدوغونو قئید ائدیب.

ناظیر آکار رسمی سفر چرچیوه‌سینده گلدیگی کوزوودا ساوونما ناظیری آرمند مهاج و پرزیدنت ویوسا عثمانی سادریو ایله گؤروشدوک‌دن سونرا باش ناظیرلیگه گئدیب و کوزوو باش ناظیری آلبین کورتی ایله گؤروشوب.

گؤروشده ایکی اؤلکه آراسیندا حربی تحصیل و ساوونما صنایعسی ساحه‌لرینده امکداشلیغین داها دا اینکیشاف ائتدیریلمه‌سی‌نین ضروری‌لیگی، کوزوونون قدس-ده آچدیغی سفیرلیک‌دن دویولان ناراحات‌لیق و فتو ایله موباریزه‌ده کونکرت تدبیرلر گؤرولمه‌سی وورغولانیب.