چاووش‌اوغلو، تورکیه-ارمنیستان نورماللاشما پروسه‌سینی دیرله‌ندیردی

تورکیه و ارمنیستان اؤزل نماینده‌لری آراسین‌دا ایلک گؤروشمه روسیانین باشکندی موسکوادا اولاجاق

1753176
چاووش‌اوغلو، تورکیه-ارمنیستان نورماللاشما پروسه‌سینی دیرله‌ندیردی

خاریجی ایشلر باخانی مؤولود چاووش‌اوغلو تورکیه و ارمنیستان اؤزل نماینده‌لری آراسین‌دا ایلک گؤروشون روسیانین باشکندی موسکوادا گئچیریله‌جگینی بیلدیردی.

مؤولود چاووش‌اوغلو آنکارادا ۲۰۲۱.جی ایل اوچون خاریجی سیاست دگرلندیرمه توپلانتیسیندا دانیشدی.

تورکیه ایله ارمنیستان آراسین‌دا نورماللاشما پروسه‌سینی دیرله‌ندیره‌ن چاووش‌اوغلو، هر ایکی طرفین اؤزل نماینده‌لر تعیین ائتدیگینی خاطیرلادیب بئله داوام ائتدی:

"بیزیم ایزله‌نیمیمیزه گؤره، ایلک توپلانتی موسکوادا گئچیریله‌جک، ارمنیستانین بو یؤنده ایسته‌گی وار. آنجاق ایلک گؤروشمه‌دن باشقا، بیز بیرباشا تماسلارین اولماسینی ایسته‌ییریک".

ایکی اؤلکه آراسین‌دا قارشیلیق‌لی اوچاق سفلرینین تئزلیکله باشلایاجاغینا دقت چکه‌ن چاووش‌اوغلو، ارمنیستان و تورکیه آراسین‌دا قارشیلیق‌لی سفرلر ده داخیل اولماقلا بیرباشا تماس قورولمالی و ایلیشکیلرین نورماللاشماسی اوچون آتیلاجاق آددیملار اوچون یول خریطه‌سی معین ائدیلمه‌لی اولدوغونو سؤیله‌دی.

باخان چاووش‌اوغلو ارمنیستانلا ایلیشکیلرین نورماللاشدیریلماسی پروسه‌سین‌ده آذربایجانلا مصلحتلشمه‌لرین اؤنملی اولدوغونو بیلدیردی.

"اومود ائدیره‌م کی، ارمنیستان بو ایستیقامت‌ده داوام ائد‌جک. (ارمنیستانین) مئساژلاری مثبت‌دیر، آنجاق بیز عمل گؤرمک ایسته‌ییریک. اوچلو شکیلده ده آددیم آتابیلریک" دئدی.

ایلیشکیلرین نورماللاشماسی اوچون یئنی آددیملارین آتیلماسی لازیم اولدوغونو وورغولایان چاووش‌اوغلو:

"بو، قافقازین ثابت‌لیگی، باریشی و رفاهی اوچون اؤنملی اولاجاق. اونا گؤره ده بوردا اؤزل نماینده‌لرین ایلک گؤروشو قونوسوندا یول خریطه‌سی قونوسوندا فیکیر آلیش وئریشی آپاراجاقلار. بوندان سونرا اونلارین منتظم اولاراق گؤروشمه‌سینین فایدالی اولاجاغینی دوشونوره‌م" دئدی.



ایلگیلی‌لی خبرلر