تورکیه باشساغلیغی دیلهدی
"حیاتینی ایتیرهنلرین یاخینلارینا، دوست ماداگاسکار خالقینا و حکومتینه باشساغلیغی دیلکلرمیزی چاتدیریریق"
1751578
تورکیه، ماداگاسکاردا ان آز ۸۳ نفرین اؤلومویله نتیجهلنهن گمی قضاسی سببیله باشساغلیغی مئساژی یاییملادی.
خاریجی ایشلر باخانلیغی طرفیندن وئریلهن آچیقلامادا، ماداکاسکارین قوزئی دوغو ساحللرینده بیر گمینین باتماسی نتیجهسینده بیر چوخ انسانین حیاتینی ایتیرمهسیندن درین کدر دویولدوغو ایفاده ائدیلدی.
آچیقلامادا،
"حیاتینی ایتیرهنلرین یاخینلارینا، دوست ماداگاسکار خالقینا و حکومتینه باشساغلیغیمیزی چاتدیریریق" ایفادهسی ایشلهدیلدی.
ماداگاسکار دنیزچیلیک و چای لیمانی آژانسی مسئولو مامی راندریاناونی، یولچو داشیما ایجازهسی اولمایان بیر یوک گمیسینین، چوخ ساییدا یولچو آلماسی سببیله ۲۰ دسامبر گئجهسی باتدیغینی آچیقلامیشدی.
راندریاناونی، باتان گمیده اولان یولچولاردان ۸۳ونون حیاتینی ایتیردیگینی بیلدیرمیشدی.