تورکیه نیجر-ده تؤره‌دیلن ترورو قیناییب

تورکیه نیجرین مالی ایله سرحدینده یئرلشن G5  ساحل بیرگه قوه‌لری‌نین قرارگاهینا ائدیلن ترور هوجومونو پیسله‌ییب.

خاریجی ایشلر ناظیرلیگیندن وئریلن آچیقلامادا: "نیجر-ین تیلابری اراضی‌سینده G5  ساحل بیرگه قوه‌لری‌نین ایستیفاده‌سینه حصر ائدیلمیش بازایا تشکیل ائدیلن ترور هوجوموندا نیجر تهلوکه‌سیزلیک قوه‌لری‌نین 29 امکداشی‌نین حیاتینی ایتیرمه‌سینی درین حزن ایله قارشیلاییر و بو منفور ترور آکتینی لعنتلییریک. هوجومدا حیاتینی ایتیرن عسگرلرین عائله‌لرینه، دوست و قارداش نیجر خالقینا و حکومتینه باش ساغلیغی وئریریک.

نیجر مئدیاسی‌نین معلوماتینا گؤره دونن G5  ساحل قوه‌لری‌نین قرارگاهینا نامعلوم سلاح‌لی شخص‌لر طرفیندن هوجوم ائدیلیب. حادثه‌ده ایلکین معلوماتا گؤره، 29 عسگر شهید اولوب. مقاومت گؤسترن حربچی‌لر طرفیندن 79 ترورچو اؤلدورولوب.