تورکیه آوروپا شوراسینا رئاکسیا گؤستریب

تورکیه بیان ائدیب کی، آوروپا شوراسی موستقیل و طرف‌سیز محکمه‌لر طرفیندن آپاریلان محکمه پروسه‌سینه حؤرمت و اعتبار ائتمه‌لی‌دیر.

خاریجی ایشلر ناظیرلیگی‌نین مسئله دایر آچیقلاماسیندا آوروپا شوراسی ناظیرلر کومیته‌سی‌نین محکمه پروسه‌سی داوام ائدن ایش آدامی عثمان کاوالا قرارینی تطبیق ائدیب-ائتمه‌دیگی‌نین معینلشدیریلمه‌سی مسئله‌سینی آوروپا اینسان حقوق‌لاری محکمه‌سینه تحویل وئریلمه‌سی نیتینی ایچرن بیلدیریش وئردیگی خاطیرلادیلیب.

آچیقلامادا "اؤلکه‌میزده داوام ائدن محکمه پروسه‌سینه حؤرمت پرینسیپینه اویغون اولا‌راق آوروپا شوراسینی موستقیل محکمه سیستمینه موداخیله کاراکتری داشییا‌جاق بو قراری داوام ائتدیرمکدن چکینمه‌یه دعوت ائدیریک. خصوصاً آوروپا شوراسی ناظیرلر کومیته‌سی باشدا اولماقلا موستقیل و طرف‌سیز محکمه‌لر طرفیندن آپاریلان محکمه پروسه‌سینه حؤرمت و اعتبار ائدیلمه‌لی‌دیر" ایفاده‌لری یئر آلیب.

شورانین قوروجو عضوو اولان تورکیه-‌نین آوروپا اینسان حقوق‌لاری کنوانسیونونا اساس‌لانان مسئولیت‌لری‌نین ادراکیندا اولدوغو وورغولانان آچیقلامادا جاری ایل تورکیه طرفیندن جاری ایل عرضینده 128، ایندییه قدر ایسه 3 مین 674 آوروپا اینسان حقوق‌لاری محکمه‌سی قراری‌نین حیاتا کئچیریلدیگی بیلدیریلیب.

آچیقلامادا قئید اولونوب کی، آوروپا اینسان حقوق‌لاری محکمه‌سی قرارلاری‌نین ایجراسینا نظارت ائدن ناظیرلر کومیته‌سی‌نین گوندلیگینده هله ده چوخ‌لو قرارلار وار:

"کاوالا قراریندان داها کؤهنه اولان و باشقا اؤلکه‌لرده و مسئله‌لرده ایجرا اولونمایان قرارلار وارکن، خصوصیله کاوالا قراری‌نین داواملی اولا‌راق گوندمده اولماسینی غیری-ثابت یاناشما کیمی گؤروروک. آوروپا اینسان حقوق‌لاری کنوانسیونوندا مؤوجود مکانیزم‌لر حقوقی و عدالت‌لی آنلاشما‌دان داها چوخ سیاسی ملاحظه لره اساس‌لانا‌راق معین ائدیلیر. بو، ایلک نؤوبه‌ده آوروپا شوراسی‌نین اؤز اعتبارینا خلل گتیریر.

اگر آوروپا شوراسی‌نین ناظیرلر کومیته‌سی اینسان حقوق‌لاری سیستمی‌نین افکتیو‌لیگینی قوروماق ایستییرسه، پارتیا‌لی و سئچیجی موناسیبتیندن ال چکمه‌لی و آوروپا اینسان حقوق‌لاری محکمه‌سی قرارلاری‌نین ایجراسی ایله بوتون عضو دؤولت‌لر اوچون غرضسیز یاناشما ایله مشغول اولما‌لی‌دیر".