تورکیه سومالی-دهکی ترور هوجومونو کسکین شکیلده قینادی
تورکیه سومالی-نین پایتاختی موگادیشو-داکی بیر مکتبین قارشیسیندا تؤرهدیلن و چوخ سایدا آدامین اؤلومونه سبب اولان ترور هوجومونو کسکین شکیلده قینادی.
تورکیه سومالی-نین پایتاختی موگادیشو-داکی بیر مکتبین قارشیسیندا تؤرهدیلن و چوخ سایدا آدامین اؤلومونه سبب اولان ترور هوجومونو کسکین شکیلده قینادی.
تورکیه خاریجی ایشلر ناظیرلیگیندن ائدیلن شرحده بیلدیریلیر: "موگادیشونون هودان محلهسیندهکی بیر مکتبین قارشیسیندا سحر ساعاتلاریندا ان آز 8 نفرین اؤلومو و چوخ سایدا آدامین یارالانماسینا سبب اولان بومبالی هوجومدان درین کدر دویوروق. بو منفور ترور هوجومونو شدتله قیناییر، دوست و قارداش سومالی حکومتی و خالقینا باش ساغلیغی وئریر، هوجومدا حیاتلارینی ایتیرنلره اللهدان رحمت، یارالیلارا شفا دیلییریک.
تورکیه ترورلا موباریزهده سومالینین یانیندا دورماغا داوام ائدیر".
قئید ائدک کی، سومالی پولیسی شهرده افریقا بیرلیگی سومالی میسیونونون (AMISOM) یوک ماشینین کئچدیگی سیرادا بومبالی هوجوم تؤردیلدیگینی، حادثه زامانی 8 آدامین حیاتینی ایتیردیگینی، 23 نفرین یارالاندیغینی آچیقلاییب.
هوجومون مسئولیتینی الشباب ترور تشکیلاتی بوینونا گؤتوروب.
الشباب سومالی-ده تئز-تئز تهلوکهسیزلیک قوهلری و وطنداشلاری هدفه آلان هوجوملار تشکیل ائدیر.