ابوظبی ولیعهدی شئیخ محمد بن زاید آل نهیان اردوغانا تشککور ائدیب

ابوظبی ولیعهدی شیخ محمد بن زاید آل نهیان نوامبرین 24-ده پایتاخت آنکارایا سفریندن سونرا جمهور باشقانی رجب طیب اردوغانا تلگرام عنوانلایاراق تشککور ائدیب.

شاهزاده شیخ محمد بن زاید آل نهیان صمیمی قارشیلاما و قوناق‌پرورلیگه گؤره اردوغانا تشککور ائدیب و دئییب کی، بو سفر بیزه ایکی اؤلکه آراسیندا موناسیبت‌لرین عمومی ماراق‌لارا خیدمت ائده‌جک، ایکی دوست خالقا فایدا وئره‌جک و قارشییا قویولموش وظیفه‌لری یئرینه یئتیره‌جک شکیلده گوجلندیریلمه‌سی یول‌لارینی موذاکیره ائتمک ایمکانی وئریب.

شیخ محمد بن زاید آل نهیان اردوغانا جان ساغلیغی و خوشبخت‌لیک آرزولاییب، تورک خالقینا تهلوکه‌سیزلیک، ثابت‌لیک و داوام‌لی فیراوان‌لیق دیله‌ییب.

دیگر طرف‌دن، بیرلشمیش عرب امیرلیک‌لری‌نین رسمی آژانسی  "WAM" شاه‌زاده بن زایدین تورکیه سفری ایله باغلی بیاناتی یاییلیب.

بونا گؤره، محمد بن زاید پایتاخت آنکارادا جمهور باشقانی اردوغانلا گؤروشدوگونو ایفاده ائده‌رک، "اقتصادی علاقه‌لریمیزی گوجلندیرمک ایمکان‌لارینا دقت چکن محصولدار گؤروش‌لر کئچیردیک" دئییب.

امکداش‌لیق اوچون یئنی و پرسپکتیو‌لی اوفوق‌لر آچماغا اومید ائتدیک‌لرینی بیلدیرن محمد بن زاید، ایکی اؤلکه‌یه فایدا وئره‌جک قارشی‌لیق‌لی ماراق‌لاری، اینکیشاف و ریفاه گؤزلنتی‌لرینی رئال‌لاش‌دیرا‌جاق شکیلده بیرلیکده ایشله‌مک ایسته‌دیک‌لرینی قئید ائدیب.