آکار: تروریست هاراداسا هدف ده اورادیر
"عملیاتلاریمیز سون تروریست ائتکیسیز حالا گتیریلنه قدر آرتاراق قونشولاریمیزین تورپاق بوتونلویونه سایغی‌لی اولاراق داوام ائد‌جک"
میللی ساوونما باخانی حولوصی آکار، ۴۰ ایلدیر تورکیه‌نین انرژی‌سینی توکه‌دن ترورو بیتیرمه قونوسوندا قرارلی اولدوقلارینی ایفاده ائتدی.
حولوصی آکار؛ کایسئری‌ده ارجیئس اونیوئرسیته‌سی مدنیت مرکزی و ارجیئس اونیوئرسیته‌سی ۲۰۲۱ - ۲۰۲۲ آکادمیک ایلی آچیلیش مراسیمینه قاتیلدی.
آکار، بوردا دانیشماسیندا، تورک سلاحلی گوجلرینین سوریه و عراقین قوزئیینده ایجرا ائتدیگی باشاری‌لی عملیاتلارین، حدودلارین و خالقین گوونلیگینی تامین ائدرکه‌ن، گونئی سرحدلرین‌ده قورولماق ایسته‌نیله‌ن ترور کوریدورونو انگلله‌یه‌رک بونا اصلا ایجازه وئرمه‌یه‌جگینی چوخ آچیق اورتایا قویدوغونو وورغولادی.
تورک سلاحلی گوجلرینین سرحد اؤته‌سی عملیاتلارلا عینی زامان‌دا ۱ میلیون‌دان چوخ سوریهلینین تورپاقلارینا گوونلی بیر شکیل‌ده دؤنمه‌لرینی تامین ائتدیگینی ایفاده ائد‌ن آکار،
"اؤلکه‌میز، ۹ میلیون سوریهلینین اینسانی احتیاجلارینی قارشیلاماق‌دادیر. بو عملیاتلار ائدیلمه‌سه ایدی اؤلکه‌میز و بؤلگه‌میز چوخ داها بؤیوک تهدید و تهلوکه‌لرله قارشی-قارشییا قالاجاق ایدی. عملیاتلاریمیز سون تروریست ائتکیسیز حالا گتیریلنه قدر آرتاراق قونشولاریمیزین تورپاق بوتونلویونه سایغی‌لی اولاراق داوام ائد‌جک" دئدی.
"بیز یالنیز ترور و تروریستله موباریزه ائتمکده‌ییک. تروریست هاراداسا هدف ده اورادیر" شکلین‌ده دانیشان آکار،
"بیلینمه‌لی‌دیر کی؛ پ‌کاکا برابردیر ی‌پ‌گ‌دیر، ی‌پ‌گ‌نین پ‌کاکا‌دان هئچ بیر فرقی یوخ‌دور" ایفاده‌لرینی ایشلتدی.
آذربایجانین ۳۰ ایلدیر ایشغال آلتین‌داکی اؤز وطنی قاراباغی ارمنیستان ایشغالین‌دان قورتاردیغینا دا وورغو ائد‌ن آکار،
"بو مدت‌ده حاق‌لی موبارزه‌سینده آذربایجان‌لی قارداشلاریمیزین یانین‌دا اولان تورکیه بون‌دان سونرا دا بوتون ایمکانلارییلا قارداشلاریمیزین یانین‌دا اولماغا داوام ائد‌جک" دئدی.
