اردوغان: سونداژ دونانماسینا دؤردونجو گمینی ده علاوه ائتدیک
"آرتیق صاحب اولدوغوموز بؤیوک سونداژ دونانمامیزلا اؤلکهمیز سرحدلری دیشیندا دا فعالیت گؤسترهجک بیر ظرفیته چاتدیق"
جمهورباشقانی رجب طیب اردوغان، تورکیهنین سونداژ دونانماسینا دؤردونجو گمینین ده علاوه اولوندوغونو سؤیلهدی.
جمهورباشقانی اردوغان، پارتیسینین تورکیه بؤیوک میللت مجلیسی قروپ توپلانتیسیندا دانیشدی.
اردوغان،
"تورکیه هله ده ۳ درین دنیز سونداژ گمیسی و ۲ سیسمیک آراشدیرما گمیسی ایله آغدنیزده و قارادنیزدهکی آختاریشما، قازما ایشلرینی داوام ائتدیریر. سونداژ دونانمامیزا دؤردونجو گمیمیزی ده علاوه ائتدیک. اوستهلیک بو گمی دیگرلریندن فرقلی اولاراق یئددینجی نسیل اولاراق آدلاندیریلان ان مدرن، ان سون تکنولوژی ایله تجهیز ائدیلمیش، ایلک دفعه بیزیم ایستیفاده ائدجگیمیز یئنی بیر گمیدیر" دئدی.
جمهورباشقانی، دونیادا بو گمیدن توپلام ۵ گمی اولدوغونو ایفاده ائدرک،
"بیرینه ده بیز صاحیبیک. بویو ۲۳۸ متر، ائنی ۴۲ متر اولان یئنی گمیمیزله دنیزین ۳ مین ۶۶۵ متر درینلیگینه قدر سونداژ ائدهبیلهجییک. حمد اولسون آرتیق صاحب اولدوغوموز بؤیوک سونداژ دونانمامیزلا اؤلکهمیز سرحدلری دیشیندا دا فعالیت گؤسترهجک بیر ظرفیته چاتدیق" دئیه دانیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.