دوغو آغ دنیز-۲۰۲۱ دعوت مانورو باشلادی
تالایمان، مانورا ۱۰ اؤلکه‌دن ۳۵ گمی و ۵ مین پرسونلین قاتیلدیغینی بیلدیردی
تورکیه‌نین ائو صاحب‌لیگی ائتدیی «دوغو آغ دنیز-۲۰۲۱ دعوت مانورو» باشلادی.
مانور چرچیوه‌سین‌ده، گؤزلمچیلره و مطبوعات منسوبلارینا موغلانین مارماریس ائلچه‌سینده‌کی آکساز دنیز مرکزینده دمیر آتمیش ت.ج.گ بایراکتار گمی‌سین‌ده بیلگی وئریلدی.
بیریفینگده، یاربای جونیت تالایمان، ۱-۱۲ نوامبر تاریخلرین‌ده دوغو آغ دنیزین‌ده حربی دنیز قوه‌لری طرفین‌دن گرچکلشدیریله‌جک مانورون مقصدینین، چوخ اولوسلو مشترک بیر گوج ایله انسانی یاردیم، طبیعی فلاجعه‌لره مداخله اصوللارینین سیناق‌دان کئچیریلمه‌سی اولدوغونو سؤیله‌دی.
تالایمان، مانورا ۱۰ اؤلکه‌دن ۳۵ گمی و ۵ مین پرسونلین قاتیلدیغینی بیلدیردی.
مانور چرچیوه‌سین‌ده ۲۰۲۳ و ۲۰۲۸.جی ایللرده ناتو مقابله گوجو ترکیبین‌ده دنیز عنصور قوموتانلیغی کیمی موهوم و سایغین بیر وظیفه‌نی اوزرینه گؤتورمه‌سی پلانلاشدیریلان تورک دنیز گوجلرینین حاضرلیغینین دا گؤزلنمه‌سینین آماجلاندیغیینی وورغولایان تالایمان، مانورون آیریجا بحرین، عراق، اردن، لیبی، نیجریه، پاکیستان‌دا دا گئچیریله‌جگینی، عمان و اوکراینادان ۱۱ گؤزلمچینین ایشتیراک ائتدیگینی بیلدیردی.
