آلتون: عاجل اصلاحاتلارا احتیاج وار

جمهورباشقانلیغی ایله‌تیشیم باشقانی آلتون،  "گوج و پارادوکس: ۲۱-جی عصرده بؤیوک استراتژینی آنلاماق" قونوسو ایله بو ایل ۵.جی دفعه کئچیریله‌ن "ت‌رت دونیا فورومو ۲۰۲۱" تدبیرینه، ویدئو مئساژ گؤندردی

1721884
آلتون: عاجل اصلاحاتلارا احتیاج وار

جمهورباشقانلیغی ایله‌تیشیم باشقانی فخرالدین آلتون قلوبال پروبلئملرین قلوبال حل یوللاری طلب ائتدییگنه دقت چکه‌رک، تورکیه‌نین اولوسلارآراسی سیستم‌ده‌کی چتین‌لیکلره جاواب وئرمک اوچون آددیملار آتدیغینی بیلدیردی.

 آلتون، "گوج و پارادوکس: ۲۱-جی عصرده بؤیوک استراتژینی آنلاماق" قونوسو ایله بو ایل ۵.جی دفعه کئچیریله‌ن "ت‌رت دونیا فورومو ۲۰۲۱" تدبیرینه، ویدئو مئساژ گؤندردی.

کوروناویروس بحرانینین دونیانی، سویوق محاربه‌نین بیتمه‌سین‌دن بری مومکون اولان ان پیس زامان‌دا ووردوغونو دئیه‌ن آلتون ۲۰۲۰.جی ایلده دونیانین مختلیف یئرلرین‌ده بیر چوخ اولوسلارآراسی موناقیشه‌نین حل اولونمامیش قالدیغینی بیلدیردی.

او، بو پروسه‌نین دؤولتلرین اوزون مدت‌لی استراتژیلر یاراتماغا و قلوبال تهدیدلرله موباریزه‌یه دقت یئتیرمه‌لرینی چتینلشدیردیگینی ایفاده ائتدی.

فخرالدین آلتون اولوسلارآراسی تشکیلاتلارین انسانی فلاکتلردن قلوبال ایقلیم دییشیکلیگینه قدر قلوبال پروبلئملری داها ثمره‌لی شکیل‌ده حل ائده بیلمه‌لری اوچون عاجل اصلاحاتلارا احتیاج دویدوغونون گؤرولدوگونو وورغولادی.

تورکیه‌نین اولوسلارآراسی سیستم‌ده‌کی چتین‌لیکلری ایزله‌دیگینی و اونلارا جاواب وئرمک اوچون آددیملار آتدیغینی قید ائد‌ن آلتون "پرزیدنتیمیز رجب طیب اردوغانین رهبرلیگی آلتین‌دا خاریجی سیاست استراتژیمیزی تکجه تهلوکه‌سیزلیک پروبلئملریمیزه دئییل، هم ده بؤلگه‌سل و قلوبال پروبلئملری ده حل ائد‌جک شکیل‌ده گؤزدن گئچیردیک. یاخین اطرافیمیزداکی توققوشمالارین حلینی خاریجی سیاستیمیز اوچون واجیب اولان اؤنجه‌لیکلری آراسینا داخیل ائتدیک. تورکیه‌نین خاریجی سیاست قوروجولاری سوریه، لیبی و عراق‌داکی موناقیشه‌لری حل ائتمک اوچون فرق‌لی گیریشیملر ایر‌لی سوردولر. آیریجا دوغو آغ دنیز و آذربایجان-ارمنیستان موناقیشه‌سی ده داخیل اولماقلا بوتون بحران طرفلرینی دیالوگ و دیپلوماسییه قاتیلماغا دعوت ائتدیک. سایین جمهورباشقانیمیز بو اؤلکه‌لری، بو ساحه‌لرده‌کی بحرانلاری مذاکیره و حل ائتمک اوچون اولوسلارآراسی کنفرانسلار گئچیرمه‌یه دعوت ائتدی" دئدی.

بحران زامانلارین‌دا سوپر گوج‌لرین لیدئرلیک رولونو اویناماسینی گؤزله‌مک یئرینه، مقصدلره چاتماق اوچون گوجلرینی بیرلشدیرمه‌لرینین واجیبلیگینی دیله گتیره‌ن آلتون "ت‌رت وورلد فوروم"داکی چیخیشلارین و دارتیشمالارین دا بو هدفلره چاتماغا کؤمک ائدجیگینی اومود ائتدیگینی دیله گتیردی.



ایلگیلی‌لی خبرلر