ترت وورلد فوروم یارین باشلاییر
آچیلیش دانیشماسی پرزیدنت رجب طیب اردوغان طرفیندن ائدیلهجک تدبیر، ۲۰ اکتبردا سونا چاتاجاق
ترت وورلد فوروم ۵.جی ایلینده "گوج و پارادوکس: ۲۱.جی عصرده بؤیوک استراتژینی آنلاماق" قونوسو ایله یارین آنلاین اولاراق باشلایاجاق.
آچیلیش دانیشماسی پرزیدنت رجب طیب اردوغان طرفیندن ائدیلهجک تدبیر، ۲۰ اکتبردا سونا چاتاجاق.
بو ایل ۳۶ اؤلکهدن ۱۰۰ دولاییندا دانیشماچینین ایشتیراکی ایله گئچیریلهجک ۵.جی ترت وورلد فوروموندا لیدئرلر، متخصصلر، آکادمیسینلر و مشهور شخصیتلر قلوبال پروبلئملره یئنی باخیش آچیلاری و یاناشیملار گتیرهجک.
جمهورباشقانلیغی ایلهتیشیم باشقانی فخرالدین آلتون و ترت باش مودورو محمد زاهد سوباجینین دا دانیشاجاغی تدبیرده، ایکی گون بویو، ایقلیم و قلوبال ساغلیق بحرانلاریندان اولوسلارآراسی اقتصادی قالخینمایا، آوراسیانین یوکسلیشیندن دیجیتال یؤنتیمه قدر بیر چوخ اؤنملی قونولار متخصصلر طرفیندن مذاکیره ائدیلهجک.
آرتیریلمیش گرچکلیک تکنولوژیسی ایله دیگر آنلاین تدبیرلردهکی فورماتلاردان داها بنزرسیز بیر تجروبه سونان ترت وورلد فوروم ۲۰۲۱ده آیریجا مشهور صنعتچیلر کونسرت وئرهجک.
۵.جی ترت وورلد فوروم https://www.trtworldforum.com/trt-world-forum-2021/ آدرسیندن ایزلنهبیلهجک.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب