اردوغان گوندمی دگرلندیردی
جمهورباشقانی، سوریهده بؤلوجو ترور هؤرگوتو پکاکا/یپگیه، آمریکا بیرلشمیش دؤولتلرینه و اسد رژیم دستگینه قارشی هر جور مبارزهنی وئرهجکلرینی بیلدیردی
جمهورباشقانی رجب طیب اردوغان، سوریهده بؤلوجو ترور هؤرگوتو پکاکا/یپگیه، آمریکا بیرلشمیش دؤولتلرینه و اسد رژیم دستگینه قارشی هر جور مبارزهنی وئرهجکلرینی بیلدیردی.
اردوغان، ایستانبولدا جمعه نامازی چیخیشیندا ژورنالیستلرین سواللارینی جاوابلاندیردی.
سوریهنین قوزئیینده بؤلوجو ترور هؤرگوتو پکاکا/یپگ/پیدنین اولدوغو و بونلارا دستک وئرهن اؤلکهلرین باشیندا دا کوالیسیون گوجلری و آمریکانین گلدیگینی ایفاده ائدن اردوغان،
"بونلارین وئردیگی هر جور دستک، سلاح، مهمات بونلارلا بیرلیکده بورادا ترور اسدیریرلر. بونلارا قارشی بیزلر مبارزهمیزی وئریریک. رژیم بونلاردان گوجونو آلیر. /.../ بونلارا قارشی مبارزهمیز بوندان سونراکی مدتده چوخ داها فرقلی بیر شکیلده داوام ائدجک. ترور هؤرگوتلرینه، آمربکانین اوراداکی معلوم گوجلرینه قارشی لازیم اولان مبارزهنی وئرجییک بو مؤوضوعدا قرارلیییق" دئیه دانیشدی.
افغانیستانداکی گلیشمهلره ده توخونان جمهور باشقانی، طالبانین دونیادا قبول آختاریشلاری ایچریسینده اولدوغونو سؤیلهدی.
دونن تورکیهیه گلن طالبان هئیتی ایله ائدیلهن گؤروشمهلرده، گرک اینسانی کؤمک گرک افغانیستانداکی یئنی سورهجین ایشلرلیگی قونوسوندا طلبلری اولدوغونو بیلدیرن اردوغان،
"بو طلبلر قونوسوندا دا بیزلر هر جور دستگی افغانیستان خالقینا وئرجییک. یئتر کی افغانیستانداکی بو یؤنتیم حقیقتاً اولوسلارآراسی ایلیشکیلرده افغانیستان خالقینین حاقلارینی قورومادا عدالتلی بیر یاناشما ایچریسینده اولسون" دئدی.