اردوغان، آنکارانین باشکند اولوشونون ایل‌دؤنومونو قوتلادی
"آنکارا، جمهوریتیمیزیمین قورولماسی، ایرلیله‌مه‌سی و دموکراسینین گلیشمه پروسه‌سینین ده مرکزیدیر"
پرزیدنت رجب طیب اردوغان، باشکند آنکارانین جمهوریتین قورولماسی، ایرلیله‌مه‌سی و دموکراسینین گلیشمه پروسه‌سینین مرکزی اولدوغونو سؤیله‌دی.
جمهورباشقانلیغی ایله‌تیشیم باشقانلیغیندان وئریلن آچیقلامایا گؤره، اردوغان ۱۳ اکتبر ۱۹۲۳.جو ایلده آنکارانین باشکند اعلان ائدیلمه‌سینین ایل‌دؤنومو موناسیبتی ایله بیر مئساژ یاییملادی.
آنکارانین قورتولوش ساواشی (۱۹۱۹-۱۹۲۳) دؤورون‌ده تاریخی بیر قرارگاه اولاراق استراتژیک قرارلارین آلینماسینا و جمهوریته گئدن یولدا تمل قوروملارین قورولماسینا ائو صاحب‌لیگی ائتدیگینی بیلدیرن اردوغان، مئساژیندا بو ایفاده‌لره یئر وئردی:
"آنکارانین باشکند اعلان ائدیلمه‌سینین ایل‌دؤنومونو تبریک ائدیره‌م. عزمله، وطنیمیزین ایشغالینا قارشی موباریزه‌ده تاریخی بیر اؤنمی اولان آنکارا، جمهوریتیمیزیمین قورولماسی، ایرلیله‌مه‌سی و دموکراسینین گلیشمه پروسه‌سینین ده مرکزیدیر. جمهوریتیمیزین غرور وئریجی سویه‌لره چاتماسیندا بؤیوک پایی اولان باشکند آنکارانین کۆلتورل کیملیگی و تاریخسل زنگینلیکلرینین قورونماسی بؤیوک اؤنم داشییر.
مینلرجه ایللیک دؤولت میراثیمیزین تمثیلچی‌سی اولان آنکارا، بوندان سونرا دا اؤلکه‌میزین گلیشمه‌سینده، جمهوریتیمیزین قازانیملارینین گۆجلنمه‌سین‌ده و دموکراسیمیزین ایر‌لیله‌مه‌سین‌ده آپاریجی رول اویناماغا داوام ائد‌جک. بو معنالی گونده غازی مصطفی کمالی (آتاتورک) و سلاحداشلارینی، بوتون شهیدلریمیزی و غازیلریمیزی سایغی و مینتدارلیقلا آنیر، ان صمیمی دویغولاریملا وطنداشلاریمیزی سالاملاییرام".
ایلگیلی‌لی خبرلر
میصرین خاریجی ایشلر ناظیری تورکیه-یه گله‌جک
میصرین خاریجی ایشلر ناظیری سامح شکری هفته سونو تورکیه-یه سفر ائده‌جک.
