یونانیستان طرفیندن تورکیه سولارینا قووولان کوچمن لر قورتاریلیب

موغلا ویلایتی‌نین بودروم قصبه‌سی ساحل‌لرینده یونانیستان ساحل محافظه‌سی طرفیندن تورکیه-‌نین اراضی سولارینا ایته‌له‌نن 71 کوچمن قورتاریلیب.

بودروم ساحل‌لرینده دؤرد آیری یئرده رزین قاییقدا قاچقین‌لارین اولدوغونا دایر معلومات الده ائدن ساحل محافظه قروپ‌لاری قیسا مدتده بؤلگه‌ده اولوب‌لار.

یونانیستان ساحل محافظه‌سی طرفیندن تورکیه-‌نین سولارینا قووولان 4 آیری رزین قاییق‌داکی 71 کوچمن قورتاریلیب.

چاناققالا ویلایتی‌نین آیواجیک قصبه‌سینده ده یونانیستان ساحل محافظه قروپ‌لاری طرفیندن تورکیه-‌نین اراضی سولارینا ایته‌له‌نن 14 قانون‌سوز قاچقین خلاص ائدیلیب.

دونن ده مارماریس قصبه‌سی ساحل‌لرینده یونانیستان ساحل محافظه‌سی طرفیندن تورکیه-‌نین اراضی سولارینا ایته‌له‌نن 24 کوچمن خلاص ائدیلمیشدی.

کوچمن لر اؤلکه‌لرینه گئری گؤندریلمه‌لری اوچون ایلگیلی قوروم‌لارا تحویل وئریلیب‌لر.