تورکیه "دوغو آغ دنیزی کنفرانسی"نین کئچیریلمهسینه بیر داها چاغیریب
خاریجی ایشلر ناظیرینین معاوینی یاووز سلیم کیران آنلاین اولاراق کئچیریلن 2021 آوروپا و تهلوکهسیزلیک ایش بیرلیگی تشکیلاتینین (آتت) آغ دنیزی کنفرانسیندا ایشتیراک ائدیب.
"دوغو آغ دنیزی کنفرانسی"نین کئچیریلمهسی بولگه سل امکداشلیق اوچون واجیب آددیم اولاجاق".
بونو خاریجی ایشلر ناظیرینین معاوینی یاووز سلیم کیران آنلاین اولاراق کئچیریلن 2021 آوروپا و تهلوکهسیزلیک ایش بیرلیگی تشکیلاتینین (آتت) آغ دنیزی کنفرانسیندا دئییب.
سلیم کیران لهستان-ین ائو صاحیبلیگی ائتدیگی توپلانتیدا دوغو آغ دنیزینده گوونین، تهلوکه سیزلیگین و ثابیتلیگین برپاسی اوچون دیالوقون، شفافلیغین و اون گوروله بیلیرلیگین اولماسی لازیم اولدوغونو، پروبلئملری دیالوق و اولوسلار آراسی حقوق یولو ایله حل ائتمک ایستهدیکلرینی سؤیلهییب.
قیبریس مسئلهسینه توخونان کیران آدانین اورتاغی اولان قیبریسلی تورکلرین حقوقلارینین باریش و ثابتلیک اوچون بیر داها تصدیق ائدیلمهلی اولدوغونو وورغولاییب.
خاریجی ایشلر ناظیرینین معاوینی یاووز سلیم کیران "جمهور باشقانیمیز جناب رجب طیب اردوغانین تکلیف ائتدیگی "دوغو آغ دنیزی کنفرانسی"نین رئاللاشماسی بولگه سل امکداشلیق اوچون اهمیتلی بیر آددیم اولاجاق. بوتون طرفلرین بو تکلیفی دستکلمهلرینی گؤزلییریک" دئییب.