"تروریستلری تمیزلهمک اوچون نه لازیمسا ائدهجییک"
چاووشاوغلو: "سالدیریلاری قیناییریق" دئییرلر ده بو سلاحلاری کیم وئریر
خاریجی ایشلر باخانی مؤولود چاووشاوغلو، سوریهدهکی تروریستلری تمیزلهمک اوچون اللریندن گلهنی ائدجکلرینی سؤیلهدی.
چاووشاوغلو، نیکاراگوئه خاریجی ایشلر باخانی دنیس مونکادا کولیندرس ایله گؤروشمهدن سونرا باشکند آنکارادا تشکیل ائدیلهن اورتاق مطبوعات کنفرانسیندا سوریهدن تورکیهیه پکاکا/یپگ سالدیریلارینا توخوندو.
سون زامانلاردا بئله سالدیریلارین گؤرولمهیه باشلاندیغینی و سون سالدیریلاردان روسیا و آمریکانین دا مسئولیت داشیدیغینی وورغولایان چاووشاوغلو،
"هر ایکی اؤلکه بو تروریستلری ان آزی ۳۰ کیلومتر گونئییه آپارجاقدیلار. روسیا تل رفعت و منبج شهرینی تمیزلهیهجکدی. بو وعدلره عمل اولونمادی" دئدی.
روسیا و آمریکانین سؤزلرینده دورمادیغینی خاطیرلادان چاووشاوغلو،
"سالدیریلاری قیناییریق" دئییرلر ده بو سلاحلاری کیم وئریر. سن اونلارا تعلیم وئریرسن، سونرا گؤسترمهلیک بیر قیناما آچیقلاماسی وئریرسن. بو تروریستلر بورادا اولدوغونا گؤره، اؤز ایشیمیزی اؤزوموز گؤرمهلییک. (تروریستلری) تمیزلهمک اوچون نه لازیمسا ائدهجییک" دئدی.
هفته سونو سورییانین مئرا قصبهسینده سئپاراتچی تئررور تشکیلاتینین حیاتا کئچیردیی خاین سالدیریدا ایکی پولیس شهید اولدو.
پرئزیدئنت رجب تایییب اردوغان، اوولکی گون ائتدیی آچیقلامادا، سؤز مؤوضوسو بؤلگهلره عملیات سیقنالی وئرمیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.