میت، وان‌داکی ایران جاسوسلوق شبکه‌سینی سوچ اوستو باسدی
ایرانلی اسکی عسگر م.آ-نی ایرانا قاچیرماق اوزره گؤندریله‌ن ۲سی ایران جاسوسو ۸ نفر، میت و وان امنیت مودورلوگونون عملیاتییلا یاخالاندی
میللی استخبارات تشکیلاتی (میت) ایله امنیت، ایرانلی اسکی بیر عسگری قاچیرماغا چالیشان جاسوسلوق شبکه‌سینی سوچ اوستو باسدی.
آلینان بیلگییه گؤره، وان‌دا اقامت ائد‌ن ایرانلی اسکی عسگر م.آ-نی ایرانا قاچیرماق اوزره گؤندریله‌ن ۲سی ایران جاسوسو ۸ نفر، میت و وان امنیت مودورلوگونون ۲۴ سپتامبر ۲۰۲۱ده‌کی عملیاتییلا یاخالاندی.
میت طرفین‌دن، ایرانلی استخبارات گؤره‌و‌لی‌لرینین م.آ-نین ایرانا قاچیریلماسی اوچون ۳۰ مین دلارلیق بودجه ایله وان‌دا شبکه اولوشدورماغا چالیشدیغی معین ائدیلدی.
میت و امنیتین تعقیبه آلدیغی شبکه عضولرینین، ایرانلی استخبارات‌چیلارین تاپشیریغییلا، اسکی عسگر م.آ-نین حیات یولداشی م.ا-یه قاچیرما اولایینا کؤمک ائتمه‌سی قارشیلیغین‌دا ۱۰ مین دلار تکلیف ائتدیکلری، قبول ائتمه‌مه‌سی حالین‌دا ایران‌دا یاشایان عائله‌سینه ضرر وئریله‌جگی ایله تهدید ائتدیکلری معین اولوندو.
ایران اطلاعاتینین م.آ-نی ماشینلا ایرانا قاچیرماق اوزره ۲ نفری ۲۴ سپتامبردا وانا گؤندردیگینین تعین ائدیلمه‌سی اوزرینه میت و وان امنیت مودورلوگو، شبکه عضولرینی سوچ اوستونده باسدی.
۲۴ سپتامبر ساعات ۲۱.۰۰ دولایین‌دا م. آ-نی قاچیرماق اوزره اقامتگاها گیرمه‌یه چالیشان ایران وطنداشی س. س. و تورکیه وطنداشی م. ا. آ. گؤزآلتینا آلیندی.
داوام ائد‌ن عملیات‌دا ۶ تورک وطنداشین‌دان اولوشان دیگر شبکه عضولری ده یاخالاندی.
ایلگیلی‌لی خبرلر
"ت‌رت ایسپانیولجا" یایین حیاتینا باشلاییر
ت‌رت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر
